എഐസിസി വക്താവ് ഷമയുടെ വിമർശനത്തിനെതിരെ കെപിസിസി പ്രസിഡന്റ് കെ സുധാകരൻ

എഐസിസി വക്താവ് ഷമയുടെ വിമർശനത്തിനെതിരെ കെപിസിസി പ്രസിഡന്റ് കെ സുധാകരൻ. ഷമാ മുഹമ്മദ് കോൺഗ്രസ് പാർട്ടിയുടെ ആരുമല്ല, എന്തിനാണ് ഇങ്ങനെ ഒരു വിമർശനം നടത്തിയത് എന്നറിയണമെങ്കിൽ അവരോട് നേരിട്ട് ചോദിക്കണം. മാധ്യമപ്രവർത്തകർക്ക് അറിയാനുള്ളതൊക്കെ  അവരോട് ചോദിച്ചാൽ മതി എന്നും കെ സുധാകരൻ പറഞ്ഞു . ലോക്സഭാ തെരഞ്ഞെടുപ്പിലെ കോൺഗ്രസ് സ്ഥാനാർത്ഥി പട്ടികയിൽ സ്ത്രീകൾക്ക് പ്രാതിനിധ്യം കുറവാണ് എന്ന് കാണിച്ച് ഷമ മുഹമ്മദ് കോൺഗ്രസ് പാർട്ടിക്കെതിരെ വിമർശനമുന്നയിച്ചത് ഇന്നലെയാണ്.വടകരയിൽ ഷാഫിയെ കൊണ്ടുവന്നാൽ പാലക്കാട് പരിക്ക് പറ്റുമെന്നും ഷമ മുഹമ്മദ്  പ്രതികരിച്ചിരുന്നു. ഇതിന് മറുപടിയാണ് കെ സുധാകരൻ പറഞ്ഞത്.