പൊതുമരാമത്ത് റോഡില് അലക്ഷ്യമായി ഇറക്കിയിട്ടിരുന്ന മെറ്റലില്ഒരു തെന്നിവീണ സ്കൂട്ടര് യാത്രക്കാരിക്ക് നഷ്ടപരിഹാരം നല്കാന് മനുഷ്യാവകാശ കമ്മീഷന് ഉത്തരവ്. തൊളിക്കോട് ഗ്രാമപഞ്ചായത്താണ് 22500 രൂപ നഷ്ടപരിഹാരം നല്കേണ്ടത്. രണ്ട് മാസത്തിനുള്ളില് നഷ്ടപരിഹാരം നല്കിയില്ലെങ്കില് എട്ട് ശതമാനം പലിശ നല്കേണ്ടി വരുമെന്ന് ഉത്തരവില് പറയുന്നു.തുക നല്കിയ ശേഷം തൊളിക്കോട് പഞ്ചായത്ത് സെക്രട്ടറി നടപടി റിപ്പോര്ട്ട് സമര്പ്പിക്കണം. നഷ്ടപരിഹാരം പഞ്ചായത്ത് നല്കിയ ശേഷം ഉത്തരവാദികളില് നിന്നും നിയമാനുസരണം ഈടാക്കാന് തൊളിക്കോട് പഞ്ചായത്തിന് സ്വാതന്ത്ര്യമുണ്ടായിരിക്കുമെന്നും ഉത്തരവില് പറയുന്നു.