സംസ്ഥാനത്തെ സ്വര്ണ്ണവിലയില് വന് കുതിച്ചുചാട്ടം തുടരുന്നു. ഇന്നലെ വൈകീട്ടുണ്ടായ വലിയ വര്ദ്ധനവിന് പിന്നാലെ ഇന്ന് രാവിലെയും വില ഉയര്ന്നു. ഇന്ന് ഒരു പവന് സ്വര്ണ്ണത്തിന് 400 രൂപയാണ് വര്ദ്ധിച്ചത്. ഇതോടെ കേരളത്തില് ഒരു പവന് സ്വര്ണ്ണത്തിന്റെ വില 1,12,920 രൂപയായി ഉയര്ന്നു. ഈ മാസത്തെ ഏറ്റവും ഉയര്ന്ന നിരക്കാണിത്. കഴിഞ്ഞ രണ്ട് ദിവസത്തിനിടെ മാത്രം ഒരു പവന് സ്വര്ണ്ണത്തിന് 1,360 രൂപയുടെ വര്ദ്ധനവാണ് രേഖപ്പെടുത്തിയത്. ഇന്നലെ മാത്രം പവന് 960 രൂപ വര്ദ്ധിച്ചിരുന്നു. ഗ്രാമിന് 14,115 രൂപ എന്ന നിരക്കിലാണ് ഇന്ന് വ്യാപാരം നടക്കുന്നത്. അന്താരാഷ്ട്ര വിപണിയിലെ രാഷ്ട്രീയ മാറ്റങ്ങളും പശ്ചിമേഷ്യന് സംഘര്ഷങ്ങളിലെ അനിശ്ചിതത്വവുമാണ് വില ഇത്രവേഗം ഉയരാന് കാരണമായി സാമ്പത്തിക വിദഗ്ധര് ചൂണ്ടിക്കാട്ടുന്നത്.