ബിയർ ഉണ്ടായത് എങ്ങനെ….ബിയറിന്റെ അറിയാ കഥകളിലൂടെ….!!!

ബിയർ കഴിക്കാത്തവരായിട്ട് അധികമാരും ഉണ്ടാകില്ല. മദ്യം ഉപയോഗിക്കാത്തവരും, ബിയർ മാത്രമായിട്ട് കഴിക്കുന്നവരുമുണ്ട്. ആൺ പെൺ വ്യത്യാസമില്ലാതെ ഒട്ടുമിക്ക രാജ്യങ്ങളിലും ബിയർ എല്ലാ ഫംഗ്ഷനുകളിലും ഉപയോഗിക്കുന്നുണ്ട്. എന്ത് ആഘോഷം ഉണ്ടായാലും ബിയർ ഒഴിവാക്കാറില്ല. ഇതു കുടിക്കും എന്നല്ലാതെ എങ്ങനെയുണ്ടായി എന്ന് അധികമാരും ചിന്തിച്ചിട്ടുണ്ടാകില്ല. ഈ ബിയർ ഉണ്ടായതിന് പിന്നിലും ചില അറിയാക്കഥകൾ ഉണ്ട്…..!!!!

ബിയർ ലോകത്തിലെ ഏറ്റവും പഴക്കംചെന്ന, വ്യാപകമായി ഉപയോഗിക്കുന്ന, ഒരു മദ്യ പാനീയം ആണ്. വെള്ളവും ചായയും കഴിഞ്ഞാൽ, മൂന്നാം സ്ഥാനത്തുള്ള ജനപ്രിയ പാനീയം ആണ് ബിയർ. ബിയർ ഉത്പാദിപ്പിക്കുന്നത് ധാന്യങ്ങൾ വാറ്റിയാണ്. മുളപ്പിച്ചുണക്കിയ ബാർലി അല്ലെങ്കിൽ യവം വാറ്റിയാണ് ഇത് ഉത്പാദിപ്പിക്കുന്നത്. ബാർലിക്ക് പകരമായി ഗോതമ്പ്, ചോളം, അരി എന്നിവയും ഉപയോഗിക്കാറുണ്ട്.ഈ അടുത്ത കാലത്തായി ബിയർ വാറ്റുന്നതിനായി ഹോപ് ചെടിയുടെ പുഷ്പവും ഉപയോഗിക്കാറുണ്ട്. ഇത് ഉപയോഗിക്കുന്നതുമൂലം ബിയറിന് പ്രത്യേക ചവർപ്പും, അതുപോലെ തന്നെ മണവും രുചിയും, വ്യത്യസ്തമായിരിക്കുകയും ചെയ്യും.

ബി.സി. നാലാം സഹസ്രാബ്ദം മുതൽ പുരാതന മെസോപ്പൊട്ടാമിയ നഗരമായ യുഫ്രൊറ്റേസിനും ടൈഗ്രിസിനും ഇടയിലുള്ള സുമേറിയൻ രാജ്യങ്ങളിൽ നിന്നുമാണ് ബിയർ ആദ്യമായി കണ്ടെത്തിയത് എന്നാണ് ചരിത്രം. അതുകൊണ്ട് ബിയർ ഉൽപാദനം ഏകദേശം 6,000 വർഷം പഴക്കമുള്ളതായി കണക്കാക്കപ്പെടുന്നു. ബി. സി. 3000 വർഷം മുൻപുതന്നെ, ഈജിപ്തുകാർ ബിയർ നിർമ്മിക്കാനുള്ള ദൈനംദിന പ്രക്രിയകൾ ഫറോവയുടെ ശവകുടീരങ്ങളിലും, ചുവർ ചിത്രങ്ങളിലും രേഖപ്പെടുത്തിയിട്ടുണ്ട്. ഇന്ത്യക്കാരും, ആഫ്രിക്കക്കാരും, ചൈനക്കാരും ബിയർ ഉത്പാദനം കണ്ടുപിടിച്ചതിന്റെ അവകാശം സ്വയം ഏറ്റെടുക്കുന്നുണ്ട്.

ലോകത്തിലെ ഏറ്റവും പഴക്കമുള്ള പാകം ചെയ്ത പാനീയങ്ങളിൽ ഒന്നാണ് ബിയർ. പ്രീ-പൊട്ടറി നിയോലിത്തിക്ക് അഥവാ നവീന ശിലാ യുഗ സമയത്ത് ഗോബെക്ലി ടെപേയിൽ ബിയർ നിർമ്മിച്ചതിന്റെ ചില തെളിവുകൾ കണ്ടു കിട്ടിയിട്ടുണ്ട്. പ്രീ-പോട്ടറി നിയോലിത്തിക് കാലഘട്ടം ക്രി.മു. 8500 മുതൽ ക്രി.മു. 5500 വരെ ആണ് ഇത്‌. പടിഞ്ഞാറൻ ഇറാനിലെ സ്സഗ്റോസ് പർവതനിരകളിലെ ഗോദീൻ ടെപ് എന്ന സ്ഥലത്ത് നിന്നും ലഭിച്ചിട്ടുള്ള ബാർലി ബിയറിന്റെ ഏറ്റവും പഴയ തെളിവുകൾ ലഭിച്ചിട്ടുണ്ട്. ഏകദേശം ക്രി.മു. 3500 നും – 3100 നും ഇടയിൽ ബിയർ ഉത്പാദനം തുടങ്ങിയതായി കണക്കാക്കപ്പെടുന്നു. ഒരുപക്ഷെ, ക്രി. മു. 10000 വർഷങ്ങൾക്ക് മുൻപ് തന്നെ ബിയർ ഉൽപാദനം ഉണ്ടായിട്ടുണ്ടാകും. മനുഷ്യൻ ധാന്യങ്ങൾ ആദ്യമായി കൃഷി ചെയ്തു തുടങ്ങിയ സമയത്ത് തന്നെ ബിയർ ഉത്പാദിപ്പിച്ചു തുടങ്ങിയിട്ടുണ്ടാകും എന്നാണ് സൂചനകൾ.

പുരാതന ഇറാഖിന്റെയും പുരാതന ഈജിപ്തിൻറെയും രേഖാമൂല ചരിത്രത്തിൽ ബിയർ രേഖപ്പെടുത്തപ്പെട്ടിട്ടുണ്ട്. പുരാവസ്തുഗവേഷകർ ബിയർ നാഗരികത രൂപവത്കരണത്തിൽ പ്രധാന പങ്കു വഹിച്ചെന്നു കരുതുന്നു. ഏതാണ്ട് 5000 വർഷങ്ങൾക്ക് മുൻപ് ഉറുക്ക് നഗരത്തിൽ (ഇന്നത്തെ ഇറാക്ക്) തൊഴിലാളികൾക്ക് വേതനം ആയി ബിയർ നൽകണം എന്നാണ് രേഖപ്പെടുത്തിയിരിക്കുന്നത്. ഈജിപ്തിലെ ഗിസയിലെ പിരമിഡുകളും, അതിനോടൊപ്പം ഉള്ള കെട്ടിട നിർമ്മാണത്തിനുമിടയിൽ ഓരോ തൊഴിലാളിക്കും നാലു മുതൽ അഞ്ച് ലിറ്റർ വരെ ബിയർ ദൈനംദിന ഓഹരി ലഭിച്ചിരുന്നു. ഇത് പോഷകാഹാരവും നവോന്മേഷവും പ്രധാനം ചെയ്യുന്നു എന്നായിരുന്നു അന്നത്തെ കണ്ടെത്തൽ. അതുകൊണ്ട് പിരമിഡിന്റെ നിർമ്മാണത്തിൽ ബിയർ നിർണായകമായ പങ്കുവഹിച്ചിട്ടുണ്ട് എന്ന് തന്നെ പറയാം.

പഞ്ചസാര അടങ്ങിയ ഏതു വസ്തുവിനെയും പുളിപ്പിച്ചു വാറ്റി ഈ പ്രക്രിയ നടത്താം. ലോകമെമ്പാടുമുള്ളവർ അന്നജത്തിൽ നിന്നും മധുര പാനീയം ഉൽപാദിപ്പിക്കാം എന്ന് മനസ്സിലാക്കി അതിനോടനുബന്ധിച്ചു ബിയർ ഉല്പാദനവും കണ്ടുപിടിച്ചിട്ടുണ്ടാവാൻ ആണ്സാധ്യത. അപ്പവും വീഞ്ഞും ബിയറും, നാഗരിക സംസ്കാരങ്ങളിലെ സമൃദ്ധി വളരെ അധികം ഉയർത്തുകയും, ഈ സമൃദ്ധി, ഇതര സാകേതിക വിദ്യകളുടെ വളർച്ചക്ക് സഹായിക്കുകയും ചെയ്തു എന്നാണ് നിഗമനം.

1516-ൽ, ബവേറിയയിലെ പ്രഭു, വില്യം IV, പുനർജനകമായ (ശുദ്ധി നിയമം) ദത്തെടുത്തു . ഈ നിയമപ്രകാരം ബിയറിന്റെ ചേരുവകൾ വെള്ളം, ഹോപ്സ് പുഷ്പം, ബാർലി-മാൾട്ട് മാത്രമേ ആകാവൂ. വ്യാവസായിക വിപ്ലവത്തിനു മുമ്പായി ഉൽപ്പാദിപ്പിക്കപ്പെട്ടിരുന്ന ബിയർ ചെറുകിട രീതിയിൽ മാത്രമായിരുന്നു. ഏഴാം നൂറ്റാണ്ടോടുകൂടി ബിയർ യൂറോപ്യൻ സന്യാസികൾ വലിയ തോതിൽ നിർമ്മിക്കുകയും വിൽക്കുകയും ചെയ്തു. വ്യാവസായിക വിപ്ലവസമയത്ത്ബിയർ ഉൽപ്പാദനം കരകൗശല ഉത്പന്നങ്ങളിൽ നിന്നും വ്യാവസായിക ഉൽപ്പാദത്തിലേക്കാക്കി മാറി. പത്തൊമ്പതാം നൂറ്റാണ്ടിന്റെ അവസാനത്തോടെ ചെറുകിട ഉൽപ്പാദനം ഗണ്യമായി കുറയുകയും ചെയ്തു.

ഇതിനെല്ലാം പുറമേ ബിയർ പ്രകൃതീയമായ സംരക്ഷണോപാധി ആയും പ്രവർത്തിക്കുന്നുണ്ട്. ഹോപ് ചെടിയുടെ പൂക്കളോടൊപ്പം മറ്റു ഔഷധ സസ്യക്കൂട്ടും പലയിടങ്ങളിലും ബിയർ ഉണ്ടാക്കാൻ ഉപയോഗിക്കാറുണ്ട്. വ്യാവസായിക തോതിൽ ബിയർ ഉല്പാദിപ്പിക്കുമ്പോൾ സ്വാഭാവികമായി ബിയറിൽ അടങ്ങിയിട്ടുള്ള കാർബൺ ഡയോക്‌സൈഡ് നീക്കം ചെയ്ത് കൃത്രിമമായ കാർബോനേഷൻ ബിയറിലേക്കു കൂട്ടിച്ചേർക്കുന്നു.

മാനവികതയുടെ ഏറ്റവും പ്രാഥമികമായ രചനകളിൽ ഒന്നായ “Code of Hammurabi”യിൽ ബിയർ ഉത്പാദനത്തെയും വിതരണത്തെയും വിതരണശാലയേയും കുറിച്ചുള്ള നിയമങ്ങൾ അടങ്ങിയിട്ടുണ്ട്. മെസോപ്പൊട്ടാമിയൻ ബിയർ ദേവതയായ നിങ്കസിയോടുള്ള പ്രാർത്ഥനയായും , ബിയർ ഉത്പാദിപ്പിക്കാനുള്ള കൂട്ട് സംരക്ഷിക്കാനുള്ള ഒരു ഉപാധി ആയും ഇതിനെ കാണാവുന്നതാണ്.

ബിയർ വിതരണം സാധാരണയായി കുപ്പികളിലും ക്യാനുകളിലും ആണ് കാണുന്നത്. എന്നാൽ മദ്യശാലകളിൽ ഇവ സമ്മർദ്ദീകരിച്ച വീപ്പളിലാണ് സൂക്ഷിക്കുന്നത്. ഇന്ന് ബിയർ വ്യവസായം അനവധി പ്രബലമായ അന്തർദേശീയ വ്യവസായ സംഘങ്ങളും, നിരവധി ചെറുകിട വാറ്റുശാലകളും, വിതരണ കേന്ദ്രങ്ങളും അടങ്ങുന്ന ഒരു ആഗോള വ്യവസായം ആണ്.

ആധുനിക രീതിയിൽ ഉത്പാദിപ്പിക്കുന്ന ബിയറിന്റെ മദ്യ അളവ് 4% മുതൽ 6% വരെയാണ്. എന്നാൽ ബിയറിന്റെ വ്യാപ്തിയിലുള്ള മദ്യ നിരക്ക് 0.5% മുതൽ 20% വരെയും, ചുരുക്കം ചില ബിയറുകളിൽ 40%ഉം അതിൽ കൂടുതൽ ആയും കാണാറുണ്ട്. ബിയർ പല രാജ്യങ്ങളുടെയും, ജനസമൂഹത്തിന്റെയും, സംസ്കാരത്തിന്റെ പ്രധാനപ്പെട്ട ഭാഗമായി മാറിക്കഴിഞ്ഞു. ഉദാഹരണത്തിന് ജർമനിയിലെ ബിയർ ഉത്സവങ്ങൾ ഇതിന്റെ ഒരു തെളിവാണ്. ഓസ്‌ട്രേലിയയിലെയും ഇംഗ്ലണ്ടിലെയും pub crawling ഉം ഇതിന് ഉദാഹരണമാണ്.

വിവിധ രാജ്യങ്ങളിൽ ബിയറിന് നിയമപരമായ നിർവചനങ്ങൾ ഉണ്ട്‌ . ചരിത്രത്തിൽ ഏറ്റവും പ്രസിദ്ധമായ റീയിൻഹെയിട്സ്ഗാബോട്, വിശുദ്ധ റോമൻ സാമ്രാജ്യത്തിന്റെയും ചില ഭാഗങ്ങളിലും ജർമനിയിലും നിലനിന്നിരുന്നു എന്ന് പറയപ്പെടുന്നു. വെള്ളം, ഹോപ്സ്, ബാർലി എന്നിവയിൽ നിന്നാണ് ബിയർ നിർമ്മിക്കേണ്ടത് എന്നാണ് ഇതിൽ പറയുന്നത്. ഇന്ന് കാനഡയിൽ കനേഡിയൻ ഗവൺമെന്റിന്റെ ഫുഡ് ആൻഡ് ഡ്രഗ് റെഗുലേഷൻസ് പ്രകാരം ബിയർ ആൽക്കഹോൾ 1.1% മുതൽ 8.6% വരെയെങ്കിലും ഏകദേശം ഉണ്ട്. എന്നാലും ഇത് 8.6% ത്തിൽ കൂടുതലും, അതനുസരിച്ച് ലേബൽ ചെയ്തേക്കാമെന്നും ഒരു നിബന്ധനയുമുണ്ട്.

ദക്ഷിണ കൊറിയയിൽ ബിയറിന് 25% ABV- യിൽ കുറവ് ഉണ്ടായിരിക്കണം, അതായത് അത് 25 മില്ലി ആൽക്കഹോൾ അല്ലെങ്കിൽ 100 ​​mL ൽ കുറവ് ആയിരിക്കണം. 100 ലിറ്റർ 30 Kcal ൽ കുറവ് ഉണ്ടെങ്കിൽ മാത്രം ‘ലൈറ്റ്’ ആയി കണക്കാക്കാം. ഇതിനു പുറമേ, ദക്ഷിണ കൊറിയയിൽ ബിയർ വെള്ളം, ഹോപ്സ്, സ്റ്റാർച്ചുകൾ (ഗോതമ്പ്, അരി, ബാർലി, ധാന്യം, അല്ലെങ്കിൽ ഉരുളക്കിഴങ്ങ്) എന്നിവ മാത്രമേ ചേരുവകൾ ആയി ഉപയോഗിക്കുകയുള്ളൂ. സിംഗപ്പൂരിൽ 20 ° C ൽ ബിയറിന്റെ അളവ് 1.0% ആൽക്കഹോൾ ഉണ്ടായിരിക്കണം.

ലോകമെമ്പാടും ഏറെ പ്രചാരത്തിലുള്ള ബിയറിന്റെ ചരിത്രം അത്ഭുതപ്പെടുത്തുന്നതാണ്. ബിയറിന്റെ കണ്ടുപിടിത്തത്തിന് അത്രയധികം വർഷങ്ങളുടെ പഴക്കമുണ്ട്. ഇന്ന് ലോകമെമ്പാടും എല്ലാ ആഘോഷങ്ങളുടെയും തലവനായി ബിയർ വന്നെത്തിക്കഴിഞ്ഞു. പ്രായഭേദമന്യേ ആൺ പെൺ വ്യത്യാസമില്ലാതെ ബിയർ കഴിക്കുന്നവരാണ് അധികവും. മദ്യം ഒരിക്കൽ പോലും കഴിക്കാത്തവർ വരെ ബിയർ കഴിക്കാറുണ്ട്. ബിയർ ഇല്ലാതെ ഒരു ആഘോഷങ്ങളും ഇല്ല എന്നൊരു അവസ്ഥയിലേക്ക് ഇന്ന് യുവതലമുറ എത്തിക്കഴിഞ്ഞു. ബിയർ കഴിക്കാൻ മാത്രമല്ല കഴിച്ചാൽ ഉണ്ടാകുന്ന എല്ലാം ദോശ വശങ്ങളെ കുറിച്ചും അറിഞ്ഞിരിക്കണം. ആഘോഷങ്ങളെല്ലാം നല്ലതുതന്നെ. പക്ഷേ ആഘോഷങ്ങളോടൊപ്പം കഴിക്കുന്ന ഇതുപോലുള്ള പാനീയങ്ങളുടെ അളവും അധികമാകരുത്.

തയ്യാറാക്കിയത്

നീതു ഷൈല