സംസ്ഥാനത്തെ പൊലീസ് സ്റ്റേഷന് വളപ്പിലും സമീപത്തും വര്ഷങ്ങളായി കിടക്കുന്ന വാഹനങ്ങള് നീക്കം ചെയ്യാനായി സ്പേസ് (Scrap Processing for Area Cleanup and Enhancement- SPACE) എന്ന പേരില് പദ്ധതി നടപ്പാക്കുമെന്ന് ആഭ്യന്തര വകുപ്പ് മന്ത്രി രമേശ് ചെന്നിത്തല. കേരള പൊലീസ് ഹൗസിംഗ് ആന്ഡ് കണ്സ്ട്രക്ഷന് കോര്പറേഷന് ലിമിറ്റഡിന്റെ നേതൃത്വത്തില് കേന്ദ്ര പൊതുമേഖല സ്ഥാപനമായ സീറോയുടെ സഹകരണത്തോടെയാണ് റീക്ലെയിം, റി ന്യൂ, റിവൈവ് എന്ന ടാഗ് ലൈനിലുള്ള പദ്ധതി നടപ്പാക്കുന്നത്. സംസ്ഥാന പൊലീസ് മേധാവി ചെയര്മാനും കെ.പി.എച്ച്.സി.സി. മാനേജിംഗ് ഡയറക്ടര് അംഗവുമായ സമിതിയാണ് പദ്ധതിക്ക് രൂപം നല്കുക.
