മറ്റൊരു മലയാള ചിത്രം കൂടി ആഫ്റ്റര് തിയറ്റര് റിലീസ് ആയി ഒടിടിയിലേക്ക്. സുരാജ് വെഞ്ഞാറമൂടിനെ നായകനാക്കി ആമിര് പള്ളിക്കല് സംവിധാനം ചെയ്ത ‘ഇഡി: എക്സ്ട്രാ ഡീസന്റ്’ എന്ന ചിത്രമാണ് സ്ട്രീമിംഗിന് എത്തുന്നത്. കഴിഞ്ഞ വര്ഷത്തെ ക്രിസ്മസ് റിലീസ് ആയി ഡിസംബര് 20 ന് തിയറ്ററുകളില് എത്തിയ ചിത്രമായിരുന്നു ഇത്. മനോരമ മാക്സിലൂടെയാണ് ചിത്രത്തിന്റെ ഒടിടി റിലീസ്. ഡാര്ക്ക് ഹ്യൂമര് വിഭാഗത്തില് പെടുന്ന ചിത്രമാണിത്. ചിത്രത്തിന്റെ രചന നിര്വഹിച്ചിരിക്കുന്നത് ആഷിഫ് കക്കോടിയാണ്. അങ്കിത് മേനോന് ആണ് ഇ ഡിയിലെ ഹിറ്റ് ചാര്ട്ടില് ഇടം നേടിയ ഗാനങ്ങള് ഒരുക്കിയിരിക്കുന്നത്. സുരാജ് വെഞ്ഞാറമൂടിനോടൊപ്പം ഗ്രേസ് ആന്റണി, പ്രേമലു ഫെയിം ശ്യാം മോഹന് എന്നിവരുടെ ഫണ് കോമ്പോയാണ് സിനിമയുടെ ഹൈലൈറ്റ്. വിനയപ്രസാദ്, റാഫി, സുധീര് കരമന, ദില്ന പ്രശാന്ത് അലക്സാണ്ടര്, ഷാജു ശ്രീധര്, സജിന് ചെറുകയില്, വിനീത് തട്ടില് എന്നിങ്ങനെ ചിത്രത്തിലെ മറ്റു താരങ്ങളും ഗംഭീര പ്രകടനമാണ് ചിത്രത്തില് കാഴ്ചവച്ചിരിക്കുന്നത്.
