അര്ജന്റീന കോപ്പ അമേരിക്ക ടൂര്ണമെന്റിന്റെ ഫൈനലില്. സെമി ഫൈനലില് കാനഡയെ എതിരില്ലാത്ത രണ്ട് ഗോളുകള്ക്ക് മറികടന്നാണ് നിലവിലെ ചാംപ്യന്മാരായ അര്ജന്റീന ഫൈനലില് കടന്നത്. 22-ാം മിനിറ്റില് ജൂലിയന് അല്വാരസും 51-ാം മിനിറ്റില് ലിയോണല് മെസിയും ഗോൾ നേടി. മത്സരത്തിന്റെ ഇരുപാതികളിലുമായിരുന്നു ഗോളുകള്. വ്യാഴാഴ്ച പുലര്ച്ചെ നടക്കുന്ന കൊളംബിയ-യുറഗ്വായ് രണ്ടാം സെമി ഫൈനല് വിജയികളെയാണ് ഫൈനലില് ഇവർ നേരിടുക.