കഥയോളങ്ങള് തിമര്ത്തുചെന്ന് ചിരിക്കക്കകള് വാരാനായി ഇത്തിരിക്കുഞ്ഞന്മാരെ വിളിച്ചുകൂട്ടുകയാണ് ഇവിടെയൊരു എഴുത്തുകാരി. നാഴിപ്പയറ് വറുത്ത കൊച്ചുകുട്ടത്തിയും, പുഴയില് ‘ബ്ലുമ്മിയ’ ഉറുമ്പും, കിട്ടാമുന്തിരിയുടെ പുളിപ്പറിഞ്ഞ കുട്ടിക്കുറുക്കനും, ഓട്ടമത്സരത്തില് തോറ്റുതൊപ്പിയിട്ട മുയലും, തുമ്പിക്കൈയില് സൂചിക്കുത്തേറ്റ ആനയും, സ്വരസ്തുതിയില് മയങ്ങിയ കാക്കയും ഒക്കെ ഇതില് പുതുനിറക്കുപ്പായത്തോടെ, പുതുശബ്ദക്കുരലോടെ കൂട്ടുകാരെ തേടിയെത്തുന്നു; അവരേയും റാഞ്ചി കഥയുടെ വിസ്മയാകാശത്തേക്കു പറക്കുന്നു. ‘കഥകഥത്താരാട്ട്’. പ്രിയ എ എസ്. എച്ച്ആന്ഡ്സി ബുക്സ്. വില 85 രൂപ.
