കണ്ണൂരില് അങ്കണവാടിയില് മൂന്നര വയസുകാരന് വീണ് പരിക്കേറ്റ സംഭവത്തില് അങ്കണവാടി വര്ക്കറേയും ഹെല്പ്പറേയും അന്വേഷണവിധേയമായി സസ്പെന്ഡ് ചെയ്തു. മന്ത്രി വീണാ ജോര്ജ് അടിയന്തര അന്വേഷണം നടത്തി റിപ്പോര്ട്ട് നല്കാന് വനിത ശിശു വികസന വകുപ്പ് ഡയറക്ടര്ക്ക് നിര്ദേശം നല്കിയിരുന്നു. തുടർന്നാണ് നടപടിയെടുത്തത്. കുട്ടിയ്ക്ക് വിദഗ്ധ ചികിത്സ ഉറപ്പാക്കാനും മന്ത്രി നിര്ദേശം നല്കി.