കിയയും മാർപാപ്പയും തമ്മിലുള്ള ബന്ധം എന്താണെന്ന് അറിയുമോ..?

ഇപ്പോൾ എങ്ങോട്ട് തിരിഞ്ഞാലും കിയയുടെ വണ്ടികളാണ്. പ്രത്യേകിച്ച് മലയാളികൾ കിയയുടെ ആരാധകരായി മാറിക്കഴിഞ്ഞു. ഒന്ന് റോഡിലേക്ക് ഇറങ്ങിക്കഴിഞ്ഞാൽ കിയയുടെ എത്ര വണ്ടികളാണ് കാണുന്നത്. വണ്ടികൾ ഉപയോഗിച്ചവർ പറയുന്നത് കിയയുടെ മേന്മകൾ മാത്രമാണ്. കിയയും മാർപാപ്പയും തമ്മിലും ഒരു ബന്ധമുണ്ട്. കിയയുടെ പ്രശസ്തി വർദ്ധിക്കാൻ കാരണമായ ബന്ധം.

KIA
കമ്പനിയുടെ അഭിപ്രായത്തിൽ, “കിയ” എന്ന പേര് ചൈന-കൊറിയൻ പ്രതീകങ്ങളായ(കി, ‘ഉയരാൻ’), (എ)അതായത്( ‘ഏഷ്യ’) എന്നിവയിൽ നിന്നാണ് ഉരുത്തിരിഞ്ഞത്; (കിഴക്ക്)” ഏഷ്യയിൽ നിന്ന് ഉയരുന്നു” എന്നാണ് ഇതിനെ അർത്ഥമാക്കുന്നത്.

ദക്ഷിണ കൊറിയയിലെ രണ്ടാമത്തെ വലിയ വാഹന നിർമ്മാതാക്കളാണ് കിയ മോട്ടോർസ് കോർപ്പറേഷൻ.Kyungsung Precision Industry എന്നും കിയ മോട്ടോർസ് കോർപ്പറേഷൻ എന്നും അറിയപ്പെട്ടിരുന്നത്, ദക്ഷിണ കൊറിയയിലെ സിയോൾ ആസ്ഥാനമായി പ്രവർത്തിക്കുന്ന ഒരു ദക്ഷിണ കൊറിയൻ ബഹുരാഷ്ട്ര ഓട്ടോമൊബൈൽ നിർമ്മാതാവാണ്. 4.9% മുതൽ 45.37% വരെയുള്ള ഇരുപതിലധികം ഹ്യുണ്ടായ് അനുബന്ധ കമ്പനികളുടെ ന്യൂനപക്ഷ ഉടമയാണ് കിയ.

1944 ജൂൺ 9-ന് Kyungsung Precision Industry എന്ന പേരിൽ സ്റ്റീൽ ട്യൂബുകളുടെയും സൈക്കിൾ ഭാഗങ്ങളുടെയും നിർമ്മാതാക്കളായി Kia സ്ഥാപിതമായി. 1951-ൽ കൊറിയയുടെ ആദ്യത്തെ ആഭ്യന്തര സൈക്കിളായ Samchuly നിർമ്മിച്ചു. 1952-ൽ, ക്യുങ്‌സങ് പ്രിസിഷൻ ഇൻഡസ്ട്രി അതിൻ്റെ പേര് കിയ ഇൻഡസ്ട്രീസ് എന്നാക്കി മാറ്റി, പിന്നീട് ഹോണ്ട-ലൈസൻസ് ഉള്ള ചെറിയ മോട്ടോർസൈക്കിളുകളും, മാസ്ഡ-ലൈസൻസ് ഉള്ള ട്രക്കുകളും,കാറുകളും നിർമ്മിച്ചു. 1981 വരെ ബ്രിസ ശ്രേണിയിലുള്ള ചെറിയ കാറുകൾ കിയ നിർമ്മിച്ചു.1981-ലെ നിർബന്ധിത അടച്ചുപൂട്ടലിന് മുമ്പ്, കിയ അതിൻ്റെ പാസഞ്ചർ കാർ ലൈനപ്പിൽ മറ്റ് രണ്ട് വിദേശ മോഡലുകൾ കൂടി ഉൾപ്പെടുത്തിയിരുന്നു: ഫിയറ്റ് 132,പ്യൂഷോട്ട് 604 എന്നിവ.

1995-ഓടെ മുപ്പത് സംസ്ഥാനങ്ങളിലായി നൂറിലധികം കിയ ഡീലർഷിപ്പുകൾ നിലവിൽ വന്നു.1997-ൽ ഏഷ്യൻ സാമ്പത്തിക പ്രതിസന്ധിയുടെ സമയത്ത് കിയ പാപ്പരത്തം പ്രഖ്യാപിക്കുകയും, 1998-ൽ ഹ്യുണ്ടായ് മോട്ടോർ കമ്പനിയുമായി ചേർന്ന്ഇരു കമ്പനികളും തമ്മിലുള്ള ഉടമസ്ഥാവകാശം കൈമാറ്റം ചെയ്യുന്നതിനായി ധാരണയിലെത്തുകയും ചെയ്തു. 1986 മുതൽ കിയ മോട്ടോഴ്‌സിൽ താൽപ്പര്യമുള്ള ഫോർഡ് മോട്ടോർ കമ്പനിയെ പിന്തള്ളി കമ്പനിയുടെ 51% ഹ്യൂണ്ടായ് മോട്ടോർ കമ്പനി ഏറ്റെടുത്തു.2005 മുതൽ, കിയ യൂറോപ്യൻ വിപണിയിൽ ശ്രദ്ധ കേന്ദ്രീകരിച്ചു.

2014 ഓഗസ്റ്റിൽ, കത്തോലിക്കാ സഭയിലെ ഫ്രാൻസിസ് മാർപാപ്പയുടെ ദക്ഷിണ കൊറിയയിലെ അഞ്ച് ദിവസത്തെ സന്ദർശനത്തിനിടെ, അവരുടെ കോംപാക്റ്റ് കാറുകളിലൊന്നായ കിയ സോളിൽ കയറിയപ്പോൾ കമ്പനിക്ക് അന്താരാഷ്ട്ര ശ്രദ്ധ ലഭിച്ചു. ആഗസ്റ്റ് 14-ന് സിയോൾ എയർപോർട്ടിൽ എത്തിയതിൻ്റെ സ്വാഗത ചടങ്ങിൽ , മാർപ്പാപ്പ ഉപയോഗിച്ചിരുന്ന കിയ കാർണിവൽ, ഹ്യുണ്ടായിയുടെ സാൻ്റാ, ഫെ എന്നിവയെക്കാളും കിയ സോൾ വലിയ ശ്രദ്ധ ആകർഷിച്ചു. മാർപാപ്പ കിയ ഉപയോഗിച്ചതോടെ കിഴക്ക് ലോകമെമ്പാടുമുള്ള ആരാധകർ കൂടി എന്നുവേണം പറയാൻ. മാർപാപ്പ യോടുള്ള ആദരവും സ്നേഹവും കിയയോടും പങ്കുവെക്കാൻ പലരും തയ്യാറായതോടുകൂടി അന്താരാഷ്ട്ര വിപണിയിൽ കിയയുടെ മാർക്കറ്റ് വാല്യൂ കുത്തനെ ഉയർന്നു. 2021-ൻ്റെ തുടക്കത്തിൽ, “KIA” വേഡ്മാർക്ക് ലോഗോ, ഉപയോഗിക്കാൻ തുടങ്ങി.

കിയ ഇന്ത്യയിൽ

2019 ജൂലൈയിൽ ഇന്ത്യൻ വിപണിയിൽ പ്രവേശിച്ചു. എൻ. ചന്ദ്രബാബു നായിഡു ആന്ധ്രാപ്രദേശ് സർക്കാരും കിയയുമായി ഒരു ധാരണാപത്രത്തിൽ ഒപ്പുവെച്ചു. ആന്ധ്രാപ്രദേശിലെ അനന്ത്പൂർ ജില്ലയിലെ പെനുകൊണ്ടയ്ക്ക് സമീപമുള്ള ഗ്രീൻഫീൽഡ് ഭൂമിയിലാണ് കമ്പനി ഉൽപ്പാദന കേന്ദ്രം നിർമ്മിച്ചിരിക്കുന്നത്. വാർഷിക ഉൽപ്പാദന ശേഷി 300,000 യൂണിറ്റാണ്. കിയയുടെ ഇന്ത്യൻ വിഭാഗത്തിൻ്റെ എംഡിയും സിഇഒയും ആയി കൂഖ്യുൻ ഷിമിനെ നിയമിച്ചു.2020 ജൂലായ് 31-ന് കിയ, ഇന്ത്യയിൽ 100,000 കാർ വിൽപ്പന പിന്നിട്ടു, അങ്ങനെ ഇന്ത്യയിലെ തന്നെ ഏറ്റവും വേഗതയേറിയ കാർ നിർമ്മാതാവായി KIA മാറി. 2014, 2015 വർഷങ്ങളിൽ റോഡ് & ട്രാവൽ മാഗസിൻ്റെ ഇൻ്റർനാഷണൽ കാർ ഓഫ് ദ ഇയർ അവാർഡ് കിയ നേടി.
ഇപ്പോഴും മലയാളികളോട് പുതിയ കാർ ഏതാണ് എടുക്കുന്നത് എന്ന് ചോദിച്ചാൽ ആദ്യം പറയുന്നത് കിയ എന്ന പേരാണ്. ലോകമെമ്പാടുമുള്ള ജനങ്ങളെ ഒരുപോലെ കംഫർട്ടബിൾ ആക്കാൻ കിയ എന്ന വാഹനത്തിന് കഴിഞ്ഞിട്ടുണ്ട്. കിയയെ കുറിച്ച് ഏകദേശം ഒരു ധാരണയായല്ലോ..? നമുക്ക് ഇഷ്ടമുള്ള എന്തിനെയും കുറിച്ച് നമുക്കറിയാം അറിയാക്കഥകളിലൂടെ . ഏറ്റവും ഇഷ്ടപ്പെട്ടത് വാങ്ങിയാൽ മാത്രം പോരാ… അതിന്റെ ചരിത്രം കൂടി അറിഞ്ഞിരിക്കണം.

തയ്യാറാക്കിയത്

നീതു ഷൈല