വ്യക്തിപരമായി പാർട്ടി പരിപാടിയിൽ വച്ച് തന്നെ അധിക്ഷേപിച്ചുവെന്ന് ആരോപിച്ച് സാബു എം ജേക്കബിനെതിരെ പരാതി നൽകി പിവി ശ്രീനിജിൻ എംഎൽഎ. പട്ടികജാതി പട്ടികവർഗ്ഗ നിയമപ്രകാരം ട്വന്റി-ട്വന്റി ചീഫ് കോഡിനേറ്റർ ആയ സാബു എം ജേക്കബിനെതിരെ കേസെടുക്കണമെന്നാണ് എംഎൽഎ ആവശ്യപ്പെട്ടിരിക്കുന്നത്. കോലഞ്ചേരിയിൽ സംഘടിപ്പിച്ച 20-20 സമ്മേളനത്തിൽ എംഎൽഎ ശ്രീനി ജനെ വൃത്തികെട്ട ജന്തു എന്ന് വിളിച്ച് ആക്ഷേപിച്ചു എന്നാണ് പരാതി. പരാതിയിലെ വിവരങ്ങൾ പരിശോധിച്ച ശേഷം നടപടി സ്വീകരിക്കുമെന്ന് പോലീസ് വ്യക്തമാക്കി. കൃത്യമായ വിവരങ്ങൾ കാണിച്ച് പുത്തൻകുരിശ് പോലീസിനാണ്ശ്രീനിജൻ എംഎൽഎ പരാതി നൽകിയിരിക്കുന്നത്.
