പാലക്കാട്, ചേലക്കര യുഡിഎഫ് സ്ഥാനാർത്ഥികൾക്ക് സന്ദർശനാനുമതി നൽകാതെ വെള്ളാപ്പള്ളി നടേശന്‍

പാലക്കാട്, ചേലക്കര യുഡിഎഫ്  സ്ഥാനാർത്ഥികളായ രാഹുൽ മാങ്കൂട്ടത്തിനും രമ്യ ഹരിദാസിനും സന്ദർശനാനുമതി നൽകാതെ വെള്ളാപ്പള്ളി നടേശന്‍. രമ്യ ആദ്യമായിട്ട് അല്ലല്ലോ തെരഞ്ഞെടുപ്പിൽ നിൽക്കുന്നത് ഇപ്പോൾ മാത്രം തന്നെ കാണണമെന്ന ആവശ്യം എന്താണെന്നും അവർക്ക് തോന്നുമ്പോൾ കാണുകയും അല്ലാത്തപ്പോൾ കാണാതിരിക്കുകയും ചെയ്യുന്നതിന്‍റെ  യുക്തി എന്താണെന്നും അദ്ദേഹം ചോദിച്ചു. ഇങ്ങോട്ട് മാന്യത കാണിക്കുമ്പോഴാണ് നമ്മളും മാന്യത കാണിക്കേണ്ടത് വഴിയമ്പലം അല്ലല്ലോ അത് ഞാൻ സമ്മതിച്ചു കൊടുക്കില്ലെന്നും  കോൺഗ്രസിനോട് വിരോധം ഇല്ല രാഹുൽ മാങ്കൂട്ടത്തിൽ തനിക്ക് പരിചയമില്ലാത്ത ആളാണ് താൻ ഇപ്പോൾ കൊല്ലത്ത് ആണ് പിന്നീട് ആലോചിക്കാമെന്നും വെള്ളാപ്പള്ളി വ്യക്തമാക്കി.