മുണ്ടക്കൈ ചൂരല്മല ഉരുള്പൊട്ടലിനെ തുടര്ന്ന് കല്പറ്റ ജനറല് ആശുപത്രിയിൽ നടന്ന ആരോഗ്യ വകുപ്പ് ഉദ്യോഗസ്ഥരുടെ അവലോകന യോഗത്തില് സംസാരിക്കവെ ദുരിതാശ്വാസ ക്യാമ്പുകളില് പകര്ച്ചവ്യാധി വ്യാപനം തടയാന് മുന്കരുതല് വേണമെന്ന് ആരോഗ്യ വകുപ്പ് മന്ത്രി വീണ ജോര്ജ് പറഞ്ഞു. അതോടൊപ്പം ക്യാമ്പംഗങ്ങള്ക്ക് മാനസിക പിന്തുണ കൊടുക്കുന്ന കൗണ്സലര്മാരെ ഷിഫ്റ്റ് അടിസ്ഥാനത്തില് ജോലി ചെയ്യിക്കണമെന്നും മന്ത്രി പറഞ്ഞു. കൂടാതെ മാതാപിതാക്കളെ നഷ്ടപ്പെട്ട കുഞ്ഞുങ്ങള്ക്ക് പ്രത്യേക ശ്രദ്ധ നല്കണം. നിലവില് കുഞ്ഞുങ്ങളെല്ലാം അടുത്ത ബന്ധുക്കള്ക്കൊപ്പമാണെന്നും. നഷ്ടപ്പെട്ട രേഖകള് വീണ്ടെടുക്കാനുള്ള ക്യാമ്പില് സംസ്ഥാന ആരോഗ്യ ഏജന്സി മുഖാന്തരം ഹെല്ത്ത് കാര്ഡുകള് ലഭ്യമാക്കാനും വിതരണം ചെയ്യാനും കഴിഞ്ഞതായും മന്ത്രി പറഞ്ഞു.
