സ്രാവുകള്‍ക്കൊപ്പം നീന്തുന്നത് അതിസാഹസികമായ കടല്‍ വിനോദമാണ്. മാലിദ്വീപിലെ വാവു അറ്റോള്‍ എന്ന വിനോദ കേന്ദ്രത്തിനരികിലെ കടലില്‍ സ്രാവുകള്‍ക്കൊപ്പം നീന്തുന്ന സാഹസിക വിനോദമുണ്ട്. അങ്ങനെ അവിടെ നീന്താനിറങ്ങിയ ഒരു യുവതിയെ ഒരു സ്രാവ് ആക്രമിക്കുകയും കടിച്ചു മുറിവേല്‍പിക്കുകയും ചെയ്തു. സ്വിം സ്യൂട്ടണിഞ്ഞു നീന്തിയിരുന്ന കാര്‍മെന്‍ കനോവാസ് സെര്‍വെല്ലോ എന്ന മുപ്പതുകാരിയെയാണ് എട്ടടി നീളവും 100 കിലോയെങ്കിലും ഭാരവുമുള്ള വലിയൊരു സ്രാവ് അക്രമിച്ചത്. യുവതിയുടെ ശരീരത്തില്‍ ആറിടങ്ങളിലായി സ്രാവിന്റെ പല്ലു കൊണ്ട് മുറിവേറ്റു. ഒപ്പമുണ്ടായിരുന്ന ഗൈഡ് ഇബ്രാഹിം ഷഫീഖ് സ്രാവിനെ തുരത്തി ഓടിച്ചു. ഇയാള്‍തന്നെയാണ് യുവതിയെ സ്രാവ് അക്രമിക്കുന്ന വീഡിയോ പകര്‍ത്തി സാമൂഹ്യ മാധ്യമങ്ങളിലൂടെ പുറത്തുവിട്ടത്. ആക്രമണത്തിനു തൊട്ടുമുമ്പ് 45 മിനിറ്റിലധികം യുവതി സ്രാവുകള്‍ക്കൊപ്പം സ്വതന്ത്രമായി നീന്തിയിരുന്നു. എന്നാല്‍, ഒരു പ്രകോപനവും ഇല്ലാതെ ഒരു സ്രാവ് പെട്ടെന്ന് അക്രമിക്കുകയായിരുന്നു. അക്രമണത്തിന് പിന്നാലെ ഇരുവരും കരയ്ക്കു കയറി. മാലിദ്വീപിലെ വാവു അറ്റോള്‍ മേഖലയില്‍ നഴ്‌സ് സ്രാവുകള്‍ സാധാരണമാണ്. വിനോദസഞ്ചാര കേന്ദ്രങ്ങളുടെ നടത്തിപ്പുകാര്‍ ഈ സ്രാവുകള്‍ക്കു ധാരാളം ഭക്ഷണം നല്‍കാറുണ്ട്. നഴ്‌സ് സ്രാവുകള്‍ സാധാരണയായി ആരേയും ആക്രമിക്കാറില്ല. ജീവനു ഭീഷണിയാണെന്നു തോന്നുമ്പോള്‍ മാത്രമേ നേഴ്സ് സ്രാവുകള്‍ അക്രമണത്തിന് മുതിരാറുള്ളൂ. സ്രാവുകള്‍ക്കൊപ്പം നീന്തിയവര്‍ കേരളത്തിലും ധാരാളമാണ്.
Shaji Padmanabhan
Thirty years of experience in publication field. Started carrier from Gulf Voice monthly malayalam magazine in 1994. Worked in Mangalam (2000), Kerala Kaumudi (2004). Started a publication in 2008, named... More by Shaji Padmanabhan