നിയമ സഭ സമ്മേളനം തുടങ്ങുന്നതിന് മുന്നോടിയായി,
ഗവർണ്ണറുടെ നയപ്രഖ്യാപന പ്രസംഗത്തിന്റെ കരടിന് അംഗീകാരം നൽകാൻ ഇന്നു ചേരുന്ന മന്ത്രിസഭാ യോഗം തീരുമാനിക്കും. 23നാണ് നയപ്രഖ്യാപന പ്രസംഗത്തോടെ നിയമസഭാ സമ്മേളനം തുടങ്ങുന്നത്. കടമെടുപ്പ് പരിധിയിൽ ഇളവ് നൽകാത്തതിൽ അടക്കം കേന്ദ്രത്തിനു എതിരായ വിമർശനം നയപ്രഖ്യാപന പ്രസംഗത്തിൽ ഉണ്ടാകാനിടയുണ്ട്.കേന്ദ്രത്തിന് എതിരായ വിമർശനങ്ങൾ ഗവർണ്ണർ
വായിക്കുമോ എന്ന് വ്യക്തമല്ല.
വെള്ളക്കരം കൂട്ടാൻ എൽഡിഎഫ് അനുമതി നൽകിയതോടെ ഇക്കാര്യവും മന്ത്രിസഭ ചർച്ച ചെയ്തേക്കും. ലിറ്ററിന് ഒരു പൈസ കൂട്ടാൻ ആണ് നീക്കം. അന്ധവിശ്വാസങ്ങളും ആനാചാരങ്ങളും തടയാൻ ഉള്ള ബിൽ മുഖ്യമന്ത്രിയുടെ പരിഗണനയിൽ ആണ്.
ബിൽ ക്യാബിനറ്റിൽ ചർച്ചക്ക് വരുമോ എന്നതിൽ തീരുമാനമായിട്ടില്ല.
സംസ്ഥാനത്ത് വെള്ളക്കരം കൂട്ടാൻ എൽഡിഎഫ് അനുമതി നൽകിയിട്ടുണ്ട്. ലിറ്ററിന് ഒരു പൈസ നിരക്കിലാണ് വർധിക്കുന്നത്.