ഇത്തവണത്തെ തെക്കുപടിഞ്ഞാറന് കാലവര്ഷത്തില് കേരളത്തിലുള്പ്പെടെ കൂടുതല് മഴ ലഭിക്കാന് സാധ്യതയെന്ന് കേന്ദ്ര കാലാവസ്ഥ വകുപ്പിന്റെ പ്രവചനം. ജൂണ് മുതല് സെപ്റ്റംബര് വരെയുള്ള കാലവര്ഷ സമയത്ത് സാധാരണയില് കൂടുതല് മഴ ലഭിച്ചേക്കുമെന്നാണ് പ്രവചനം. ജൂണ് മാസത്തിലും കൂടുതല് മഴ ലഭിക്കുമെന്നും ഇത് ദീര്ഘകാല ശരാശരിയുടെ 108 ശതമാനമായിരിക്കുമെന്നും കേന്ദ്ര കാലാവസ്ഥ വകുപ്പ് അറിയിച്ചു.കേരള തീരത്തും റെഡ് അലർട്ട് പ്രഖ്യാപിച്ചു. ഉയർന്ന തിരമാല ജാഗ്രതയുമായി ബന്ധപ്പെട്ട് കേരള തീരത്ത് നാളെ രാത്രി 8.30 വരെ 3.5 മുതൽ 4.0 മീറ്റർ വരെ ഉയർന്ന തിരമാലയ്ക്കും കടലാക്രമണത്തിനും സാധ്യതയുണ്ടെന്ന് ദേശീയ സമുദ്രസ്ഥിതിപഠന ഗവേഷണ കേന്ദ്രം അറിയിച്ചു.
