രാഹുല്‍ ഗാന്ധി നടത്തുന്ന ഭാരത് ജോഡോ യാത്ര അടുത്ത വർഷവും നടത്തുമെന്ന് വിവരം. ഗുജറാത്തിൽ നിന്ന് പശ്ചിമ ബംഗാളിലേക്ക് നടത്താനാണ് കോൺഗ്രസിന്‍റെ ആലോചന. കോണ്‍ഗ്രസ് സ്ഥാപകദിനമായ ഡിസംബർ 28ന് അസം, ഒഡീഷ, ത്രിപുര സംസ്ഥാനങ്ങളിൽ പ്രത്യേകം യാത്ര സംഘടിപ്പിക്കാനും കോണ്‍ഗ്രസ് പദ്ധതിയിടുന്നുണ്ട്. രാഹുൽ ഗാന്ധി ഇപ്പോൾ നയിക്കുന്ന യാത്ര വിജയകരമെന്നാണ് കോണ്‍ഗ്രസ് വിലയിരുത്തൽ.
മുന്നൂറു സ്ഥിരാംഗങ്ങളും കൂടാതെ ഓരോ സംസ്ഥാനത്തിൽ നിന്നുള്ള തെരഞ്ഞെടുത്ത പ്രവർത്തകരും വൻപിച്ച ജനക്കൂട്ടവും എല്ലാ സംസ്ഥാനങ്ങളിലും പദയാത്രയിൽ പങ്കെടുത്തിരുന്നു. ഇപ്രാവശ്യം കന്യാകുമാരി മുതല്‍ കാശ്മീര്‍ വരെയായിരുന്നു പദയാത്ര നിശ്ചയിച്ചത് . ഭാരത് ജോഡോ യാത്ര കടന്ന് പോകാത്ത സംസ്ഥാനങ്ങളില്‍ നിന്നും പദയാത്രയില്‍ പങ്കാളിത്തം ഉറപ്പാക്കിയിരുന്നു. ഇതുവരെയും ഭാരത് ജോഡോ യാത്ര വിജയമായാണ് ഓരോ സംസ്ഥാനങ്ങളിലും കടന്നുപോയത്.