നസ്ലിനെ നായകനാക്കി അഭിനവ് സുന്ദര് നായക് സംവിധാനം ചെയ്യുന്ന ‘മോളിവുഡ് ടൈംസ് ‘ ജൂണ് അഞ്ചിന് റിലീസിനെത്തും. ആഷിഖ് ഉസ്മാന് പ്രൊഡക്ഷന്സിന്റെ ബാനറില് ആഷിഖ് ഉസ്മാന് നിര്മിക്കുന്ന ചിത്രത്തില് സംഗീത് പ്രതാപ്, ഷറഫുദ്ദീന് എന്നിവരും കേന്ദ്ര കഥാപാത്രങ്ങളെ അവതരിപ്പിക്കുന്നു. സിനിമ സംവിധായകന് ആകണമെന്ന മോഹവുമായി നടക്കുന്ന വിനീത് മാധവന് എന്ന കൗമാരകാരനായി നസ്ലിന് എത്തുന്ന മോളിവുഡ് ടൈംസ് എന്ന ചിത്രത്തില് മലയാള സിനിമയിലെ നിരവധി താരങ്ങള് കാമിയോ റോളുകളില് വരുന്നുണ്ട്. വിശ്വജിത് ഒടുക്കത്തില് ഛായാഗ്രഹണം നിര്വ്വഹിക്കുന്നു. രാമു സുനില് തിരക്കഥ സംഭാഷണമെഴുതുന്നു. സംഗീതം- ജേക്ക്സ് ബിജോയ്.