മാതാപിതാക്കളുടെ മരണത്തിന് ശേഷം ജന്മവീട്ടിലേക്ക് തിരിച്ചെത്തുന്ന എറിക്ക ഫാല്‍ക്കിനെ കാത്തിരുന്നത് തന്റെ കുട്ടിക്കാലത്തെ കൂട്ടുകാരിയായ അലക്‌സിന്റെ ആത്മഹത്യയായിരുന്നു. എന്നാല്‍ കൂടുതല്‍ അന്വേഷണത്തില്‍ തെളിഞ്ഞു, അതൊരു കൊലപാതകമായിരുന്നുവെന്ന്. ഏത് ഭയങ്കര രഹസ്യവും പൂര്‍ണമായും ഒളിച്ചുവയ്ക്കാന്‍ ആവില്ലെന്നും മൗനം ആത്മാവിനെ ഹനിക്കുന്നതെങ്ങനെയെന്നും ഈ ക്രൈം മാസ്റ്റര്‍പീസ് കാണിച്ചുതരുന്നു. കമീല ലക്‌ബെറിയുടെ ഈ അന്താരാഷ്ട്ര ബെസ്റ്റ് സെല്ലറിന് മലയാള പരിഭാഷ എഴുതിയിരിക്കുന്നത് നോവലിസ്റ്റും ചെറുകഥാകൃത്തുമായ ശ്രീദേവി വടക്കേടത്ത് ആണ്. ‘മഞ്ഞു രാജകുമാരി’. സിക്‌സ് ഇയര്‍ പ്ലാന്‍ ബുക്‌സ്. വില 566 രൂപ.