കത്ത് വിവാദം , തിരുവനന്തപുരം കോർപ്പറേഷനിൽ സംഘർഷം

കത്ത് നിയമന വിവാദത്തിൽ തിരുവനന്തപുരം കോ‍ർപ്പറേഷനിൽ സംഘർഷം. ക്ഷേമകാര്യ സ്റ്റാംന്റിം​ഗ് കമ്മിറ്റി ചെയർമാനെ ബിജെപി കൗൺസിലർമാർ പൂട്ടിയിട്ടു. ഇതിനെ ചോദ്യം ചെയ്ത് സിപിഎം കൗൺസിലർമാരും എത്തിയതോടെ സംഘർഷം ആരംഭിച്ചു . ഇന്ന് രാവിലെ മുതൽ വലിയ സംഘർഷമാണ് കോർപ്പറേഷനിൽ നടക്കുന്നത്. പ്രതിഷേധത്തിനിടെ ​ഗ്രിൽ പൂട്ടിയതോടെ സംഘർഷം കൂടി. ഗ്രിൽ തുറക്കണമെന്ന് ബജെപി കൗൺസിലർമാർ ആവശ്യപ്പെട്ടെങ്കിലും ഇതിന് അധികൃതർ തയ്യാറായില്ല. കൂടാതെ മേയർ എത്തിയപ്പോഴും ബിജെപി കൗൺസിലർമാർ പ്രതിഷേധം ശക്തമാക്കി. ഇതിനിടെയാണ് ഇവിടേക്കെത്തിയ ക്ഷേമകാര്യ സ്റ്റാംന്റിം​ഗ് കമ്മിറ്റി ചെയർമാന്റെ മുറി പൂട്ടിയിട്ടത്. മേയറുടെ മുറിയിലേക്ക് പ്രവേശിക്കുകയാണ് പ്രതിഷേധക്കാരുടെ ലക്ഷ്യം. പ്രധാന ​ഗേറ്റ് പൊലീസും അടച്ചിരിക്കുകയാണ്.