ലാവ ബ്ലേസ് എന്‍എക്‌സ്ടി ഇന്ത്യയില്‍ അവതരിപ്പിച്ചു. ഈ വര്‍ഷം ആദ്യം ജൂലൈയില്‍ പുറത്തിറങ്ങിയ ലാവ ബ്ലേസിന്റെ പരിഷ്‌കരിച്ച പതിപ്പാണിത്. ഈ ഹാന്‍ഡ്സെറ്റിന് 4 ജിബി റാമും 64 ജിബി ഓണ്‍ബോര്‍ഡ് സ്റ്റോറേജും ഒപ്പം മീഡിയടെക് ഹീലിയോ ജി 37 പ്രോസറുമാണ് ഉള്‍പ്പെടുത്തിയിരിക്കുന്നത്. ലാവ ബ്ലേസ് എന്‍എക്‌സ്ടി ആമസോണിലൂടെയാണ് വില്‍ക്കുന്നത്. പുതിയ ഹാന്‍ഡ്സെറ്റിന്റെ 4ജിബി റാം + 64 ജിബി ഓണ്‍ബോര്‍ഡ് സ്റ്റോറേജ് മോഡലിന് 9,299 രൂപയാണ് വില. ചുവപ്പ്, പച്ച കളര്‍ വേരിയന്റുകളിലാണ് ഈ ഫോണ്‍ വരുന്നത്. എച്ച്ഡി+ റെസലൂഷനോടു കൂടിയ 6.5 ഇഞ്ച് ഐപിഎസ് ഡിസ്പ്ലേയാണ് ബ്ലേസ് എന്‍എക്സ്ടിക്കുള്ളത്. ഇത് 4 ജിബി റാമുമായി ജോടിയാക്കിയ മീഡിയടെക് ഹീലിയോ ജി 37 പ്രോസസര്‍ പായ്ക്ക് ചെയ്യുന്നു. ഈ സ്മാര്‍ട് ഫോണിന് 3 ജിബി അധിക വെര്‍ച്വല്‍ റാമും ഉണ്ട്. 64 ജിബി ഓണ്‍ബോര്‍ഡ് സ്റ്റോറേജും ഇതില്‍ ഉള്‍പ്പെടുന്നു. ലാവ ബ്ലേസ് എന്‍എക്‌സ്ടിയില്‍ 13 മെഗാപിക്സല്‍ എഐ ട്രിപ്പിള്‍ റിയര്‍ ക്യാമറ സജ്ജീകരണവും മുന്‍വശത്ത് 8 മെഗാപിക്സല്‍ സെല്‍ഫി സ്നാപ്പറും ഉണ്ട്. 5,000 എംഎഎച്ച് ആണ് ബാറ്ററി. ഒരു ദിവസം മുഴുവന്‍ ബാറ്ററി ലൈഫ് നല്‍കുമെന്നാണ് ലാവ അവകാശപ്പെടുന്നത്.
Shaji Padmanabhan
Thirty years of experience in publication field. Started carrier from Gulf Voice monthly malayalam magazine in 1994. Worked in Mangalam (2000), Kerala Kaumudi (2004). Started a publication in 2008, named... More by Shaji Padmanabhan