സെക്രട്ടേറിയറ്റിന് മുന്നിൽ എൽപിഎസ്ടി റാങ്ക് ഹോൾഡേഴ്സ് നാളെ യുവജനങ്ങളെ അണിനിരത്തി സംസ്ഥാന സർക്കാരിനെതിരെ ശക്തമായ പ്രതിഷേധം സംഘടിപ്പിക്കും. മരണം സംഭവിച്ചാലും സമരം തുടരുമെന്ന് സമരസമിതി കൺവീനർ എസ് വളർമതി പറഞ്ഞു. സമരം അടിച്ചമർത്താനുള്ള നിരവധി നീക്കങ്ങൾ നടത്തുന്നുണ്ടെന്നും നടക്കാത്ത പ്രതിഷേധത്തിന്റെ പേരിൽ കേസ്‌ എടുത്തുവെന്നും വളർമതി ആരോപിച്ചു. പാവപ്പെട്ടവനെ എന്തും ചെയ്യാമെന്ന മനോഭാവമാണ്. പൊലീസുകാർ ഇന്നലെ വലിച്ച് ഇഴച്ചാണ് കൊണ്ടുപോയത്. ഏത് രീതിയിൽ സമരം അടിച്ചമർത്താൻ ശ്രമിച്ചാലും പ്രതിഷേധം ശക്തമായി മുന്നോട്ടു കൊണ്ടുപോകാനാണ് തീരുമാനമെന്നും വളർമതി കൂട്ടിച്ചേർത്തു.

നാളെ മുതൽ ലോഡ് ഷെഡ്ഡിങ് സാധ്യത. ഇന്നു മുതൽ ഹിമാചൽ പ്രദേശിൽ നിന്ന് വൈദ്യുതി കിട്ടില്ല. എന്നാൽ, ഇന്ന് അവധിയായതിൽ ഉപയോഗം കുറവായിരിക്കാനാണ് സാധ്യത. കഴിഞ്ഞ മാസം 850 മെഗാ വാട്ട് വരെ വൈദ്യുതിയാണ് പീക്ക് സമയത്ത് ലഭിച്ചിരുന്നത്. ഇത് കേരളത്തിന് വലിയ ആശ്വാസമായിരുന്നു. ഉത്തരേന്ത്യയിൽ ശൈത്യമാസം ആരംഭിച്ചതിനാൽ വൈദ്യുതി ഉപയോഗം കുറയുമെന്നും ഉത്പാദനം കൂടുമെന്നും ആണ് പ്രതീക്ഷ. ഈ മാസം 15 വരെയെങ്കിലും തൽസമയ വിപണിയിലെ വൈദ്യുതി കൊണ്ട് പ്രതിസന്ധി പരിഹരിക്കാം എന്നാണ് കണക്കുകൂട്ടൽ.

പിഎസ്‍സി ആസൂത്രണ ബോർഡ് പരീക്ഷ വിവാദവുമായി ബന്ധമില്ലെന്ന് പിഎസ്‌സി സെക്രട്ടറി ക്രൈം ബ്രാഞ്ചിന് മൊഴി നല്‍കി. ചെയർമാൻ കൂട്ടിയാലോചന നടത്താറില്ലെന്നും ചെയർമാനും ഹരിയുമാണ് പല കാര്യങ്ങളിലും തീരുമാനം എടുക്കാറുള്ളതെന്നും അദ്ദേഹം പറഞ്ഞു. കേസില്‍ വീണ്ടും സെക്രട്ടറിയുടെ മൊഴി രേഖപ്പെടുത്തും. പരീക്ഷ കൺട്രോളരെയും പിഎസ്‌സി മുൻ ചെയർമാനെയും ചോദ്യം ചെയ്യും. പിഎസ്‍സി ആസൂത്രണ ബോർഡ് പരീക്ഷയിൽ സംഭവിച്ചത് സാങ്കേതിക പിഴവ് മാത്രമെന്ന് അഡീഷണൽ സെക്രട്ടറി ആർ ഹരി ഹരികുമാർ കഴിഞ്ഞ ദിവസം മൊഴി നല്കിയിരുന്നു.

വയനാട് എസ്എഫ്ഐയിലെ തമ്മിലടിയുമായി ബന്ധപ്പെട്ട് വധഭീഷണി ഉണ്ടെന്നും, നേതാക്കൾ ഭീഷണിപ്പെടുത്തുന്നുവെന്നും ജോ.സെക്രട്ടറി സായന്ത്. പുൽപ്പള്ളിയിലെ പാർട്ടി ഓഫീസിൽ വച്ച്‌ എസ്എഫ്ഐ ജില്ലാ സെക്രട്ടറി ആദർശും കേന്ദ്ര കമ്മിറ്റി അംഗവും ചേർന്ന് ക്രൂരമായി മർദ്ദിച്ചു. സംഭവം നേതൃത്വത്തിന്‍റെ ശ്രദ്ധയിൽപ്പെടുത്തിയെങ്കിലും 19 ദിവസമായിട്ടും നടപടിയെടുത്തില്ല എന്നും ഫേസ്ബുക്ക് പോസ്റ്റിൽ സായന്ത് പറയുന്നു. സംഘടനയോടുള്ള വിശ്വാസം നഷ്ടപ്പെട്ടുവെന്നും നീതിക്ക് വേണ്ടിയാണ് കാര്യങ്ങൾ തുറന്ന് പറയുന്നത് എന്നും സായന്ത് പറയുന്നു.

കെ-ടെറ്റ് ഇല്ലാത്ത അധ്യാപകർക്കെതിരായ നടപടിക്കെതിരെ ഇടത് അധ്യാപകസംഘടനകൾ. സർക്കാർ തീരുമാനം വഞ്ചനാപരമെന്നും പൊതുവിദ്യാഭ്യാസവകുപ്പിന്റെ ഉത്തരവ് പിന്നവലിക്കണമെന്നുമാണ് ആവശ്യം. ഇളവുകൾ മരവിപ്പിച്ചത് ആയിരത്തോളം അധ്യാപകരെ ബാധിക്കും. 2025 സെപ്റ്റംബർ ഒന്നിനാണ് കെ ടെറ്റ് അംഗീകാരം ഇല്ലാത്ത അധ്യാപകർക്ക് സ്ഥാന കയറ്റമോ നിയമനമോ നൽകേണ്ടതില്ലെന്നും യോഗ്യത ഇല്ലാത്തവർ കെടെറ്റ് പരീക്ഷ പാസാകണമെന്നും സുപ്രീംകോടതി വിധി വന്നത്.  എൽഡിഎഫ് സർക്കാരിന്റെ കാലത്ത് ഇതിൽ ചില ഇളവുകൾ നൽകിയിരുന്നു. യുഡിഎഫ് സർക്കാർ അധികാരത്തിലെത്തിയതോടെ വീണ്ടും സുപ്രീംകോടതിയിൽ റിവ്യൂ പെറ്റീഷൻ നൽകുകയുണ്ടായി. ഇതുമായി ബന്ധപ്പെട്ട് […]

കെ എസ്‌ യു നേതാവ് ഫെനി നൈനാനും ശ്രീനാദേവി കുഞ്ഞമ്മയും ഉള്‍പ്പെടെയുള്ളവര്‍ നടത്തിയ അടൂർ പൊലീസ് സ്റ്റേഷൻ അതിക്രമത്തിൽ വിശദമായ അന്വേഷണത്തിന് ഒരുങ്ങി പൊലീസ്. സ്റ്റഷനിലെ ജനപ്രതിനിധികളുടെ അതിക്രമം ഗൗരവമുള്ള വിഷയമെന്നും  സംഭവത്തിൽ പത്തനംതിട്ട എസ്പിയോട് റിപ്പോർട്ട് തേടിയിട്ടുണ്ടെന്നും ഡി ജി പി റവാഡ ചന്ദ്രശേഖർ. സ്റ്റേഷനിലെ സിസിടിവി ദൃശ്യം പുറത്തുവന്നതോടെയാണ് പൊലീസ് അന്വേഷണത്തിന് ഉത്തരവിട്ടിരിക്കുന്നത്. ഡിവൈഎസ്പി തല അന്വേഷണത്തിന് എസ്പി നിർദേശം നൽകി. അന്വേഷണത്തിൽ പൊലീസിൻ്റെ ഭാഗത്തുനിന്ന് വീഴ്ചയുണ്ടായോ എന്നും അന്വേഷിക്കും.

സെക്രട്ടറിയേറ്റിന് മുന്നിൽ ആറ് ദിവസമായി നിരാഹാര സമരം അനുഷ്ഠിച്ചിരുന്ന എൽ പി എസ് ടി ഉദ്യോഗാർഥി വളർമതിയുടെ ആരോഗ്യനില മോശമായതിനെ തുടർന്ന് പൊലീസ് ബലം പ്രയോഗിച്ച് അറസ്റ്റ് ചെയ്ത് ആശുപത്രിയിലേക്ക് മാറ്റി. ഡോക്ടർമാർ നടത്തിയ പരിശോധനയിൽ വളർമതിയുടെ രക്തസമ്മർദ്ദം ഉയർന്ന നിലയിലാണെന്നും പൾസ് നിരക്ക് കുറവാണെന്നും കണ്ടെത്തിയിരുന്നു. എന്നാൽ വളർമതിയെ കൊണ്ടുപോകാൻ അനുവദിക്കില്ലെന്ന നിലപാടിൽ സമരക്കാർ ഉറച്ചുനിന്നു. ഇത് പൊലീസും സമരക്കാരും തമ്മിൽ രൂക്ഷമായ വാക്തർക്കത്തിനും സംഘർഷത്തിനും വഴിവെച്ചു.

പിഎസ്‍സി ആസൂത്രണ ബോർഡ് പരീക്ഷയിൽ സംഭവിച്ചത് സാങ്കേതിക പിഴവ് മാത്രമെന്ന് അഡീഷണൽ സെക്രട്ടറി ആർ ഹരികുമാറിൻ്റെ മൊഴി. ഡെപ്യൂട്ടി സെക്രട്ടറിയാണ് ചോദ്യങ്ങൾ മൂല്യനിർണയം നടത്തിയത്. ഡെ. സെക്രട്ടറി സതീഷ് അറിയിച്ച പ്രകാരം വാല്യുവേഷൻ ക്ലോസ് ചെയ്തു. പരാതിക്കാരൻ്റെ വിവരാവകാശ രേഖപ്രകാരം മറുപടി നൽകിയപ്പോഴാണ് പിഴവ് മനസിലായത്. പുനർ  സെക്രട്ടറി ബോർഡിൻ്റെ പരിഗണനയിൽ വെച്ചു. കോടതിയിൽ കേസുള്ളതിനാൽ പുനർമൂല്യനിർണയം നടത്തിയില്ലെന്നും ബോധപൂർവം ആരെയും സഹായിച്ചിട്ടില്ലെന്നും ഹരി മൊഴി നൽകി.