പുണെയിലെ പ്ലാന്റില്‍ ലാന്‍ഡ് റോവര്‍ ഡിഫന്‍ഡര്‍ 110ന്റെ പ്രാദേശിക അസംബ്ലിങ് ആരംഭിച്ചതോടെ ലാന്‍ഡ് റോവര്‍ ഡിഫന്‍ഡറിന് 34 ലക്ഷം രൂപ കുറഞ്ഞു. ഡിഫന്‍ഡര്‍ 110ന്റെ എക്സ്-ഡൈനാമിക് എച്ച്.എസ്.ഇ വകഭേദത്തിനാണ് 34 ലക്ഷം രൂപയുടെ വിലക്കുറവ് ലഭിക്കുക. 350 എച്ച്പി 3 ലീറ്റര്‍ ഡീസല്‍, 400 എച്ച്പി 3 ലീറ്റര്‍ പെട്രോള്‍, 300 എച്ച്പി 2 ലീറ്റര്‍ ടര്‍ബോ പെട്രോള്‍ എന്നിങ്ങനെ മൂന്ന് എന്‍ജിന്‍ ഓപ്ഷനുകളിലാണ് ഈ മോഡല്‍ എത്തുന്നത്. ഇതില്‍ 2 ലീറ്റര്‍ ടര്‍ബോ പെട്രോള്‍ വകഭേദത്തിന് 99 ലക്ഷം രൂപയാണ് ന്യൂഡല്‍ഹിയിലെ എക്സ് ഷോറൂം വില. നേരത്തെ 1.13 കോടി രൂപയുണ്ടായിരുന്ന വകഭേദമാണിത്. വാഹനത്തിന്റെ ഓണ്‍ലൈന്‍, ഓഫ്ലൈന്‍ ബുക്കിങും ആരംഭിച്ചിട്ടുണ്ട്. നവംബര്‍ 15 മുതല്‍ ബുക്കിങിലുള്ള വാഹനങ്ങളുടെ വിതരണം ആരംഭിക്കും.
