തെരഞ്ഞെടുപ്പ് പ്രചാരണത്തിന് സംസ്ഥാനത്തുടനീളം സ്പെഷ്യൽ കേഡറുകളെ വിന്യസിക്കാൻ സിപിഎം

ഈ മാസം 28 മുതൽ 30 വരെ സിപിഎം കേന്ദ്ര കമ്മിറ്റി തിരുവനന്തപുരത്ത് ചേരും. അതിന് ശേഷം സ്ഥാനാര്‍ത്ഥി നിര്‍ണ്ണയം അടക്കം തെരഞ്ഞെടുപ്പ് പ്രവര്‍ത്തനങ്ങൾ സജീവമാകുമെന്നാണ് റിപ്പോർട്ട്. അതോടൊപ്പം തെരഞ്ഞെടുപ്പ് പ്രചാരണത്തിന് സംസ്ഥാനത്തുടനീളം സ്പെഷ്യൽ കേഡറുകളെ വിന്യസിക്കും. ഇതിനായി പ്രത്യേകം തെരഞ്ഞെടുത്ത മുപ്പതിനായിരം പേര്‍ക്കാണ് പാര്‍ട്ടി പരിശീലനം നൽകുന്നത്. സംഘാടക ശേഷിയുള്ളവരെ അതാത് ഘടകങ്ങളിൽ നിന്ന് കണ്ടെത്തി പരിശീലനം നൽകുന്നുണ്ട്. എന്തൊക്കെ വിഷയങ്ങൾ സംസാരിക്കണമെന്നും എങ്ങനെ അവതരിപ്പിക്കണമെന്നും മുൻകൂട്ടി തീരുമാനിച്ച ശേഷം അത് ജനങ്ങളിലേക്ക് ഫലപ്രദമായി എത്തിക്കുകയെന്ന വലിയ ദൗത്യമാണ് സ്പെഷ്യൽ കേഡറുകളെ ഏൽപ്പിക്കുന്നത്.