സിപിഎം സംസ്ഥാന സമിതി യോഗം ഇന്നും നാളെയുമായി തിരുവനന്തപുരത്ത് ചേരും. തെറ്റുതിരുത്തൽ ചർച്ചകളുടേയും വിവിധ ജില്ലകളിലെടുത്ത തീരുമാനങ്ങളുടേയും വിശദമായ അവലോകനം സംസ്ഥാന സമിതി യോഗത്തിലുണ്ടാകും. തെറ്റുതിരുത്ത നടപടികളുടെ ഭാഗമായി എടുത്ത മറ്റ് തീരുമാനങ്ങളുടെ നടത്തിപ്പും, ജനങ്ങളിലേക്ക് കൂടുതൽ ഇറങ്ങിച്ചെല്ലുന്ന വിധത്തിൽ സംഘടനാ തലത്തിൽ ആവിഷ്കരിക്കേണ്ട പദ്ധതികളും സംബന്ധിച്ച് വിശദമായ ചർച്ച സംസ്ഥാന സമിതിയിൽ പ്രതീക്ഷിക്കുന്നുണ്ട്.
