വയനാട്ടിലെ സർവ്വകക്ഷിയോഗം ബഹിഷ്കരിച്ച് കോൺഗ്രസ്

വയനാട്ടിൽ വന്യജീവി ആക്രമണത്തിന്റെ പശ്ചാത്തലത്തിലുള്ള വിഷയങ്ങൾ ചർച്ച ചെയ്യാനാണ് മന്ത്രിമാരായ എംബി രാജേഷ്, കെരാജൻ, എകെ ശശീന്ദ്രൻ എന്നിവരുടെ നേതൃത്വത്തിൽ ജില്ലയിൽ സർവ്വ കക്ഷിയോഗം വിളിച്ചത്. എന്നാൽ മുഖ്യമന്ത്രി പിണറായി വിജയൻ വയനാട് സന്ദർശിക്കണമെന്നും, വനംമന്ത്രി രാജിവയ്ക്കണമെന്നും മന്ത്രിയുടെ സാന്നിധ്യത്തിൽ മാത്രമായി ചർച്ച നടക്കില്ലെന്നും അറിയിച്ച് കോൺഗ്രസ് നേതാക്കൾ സർവ്വകക്ഷിയോഗം ബഹിഷ്കരിച്ചു. അതോടൊപ്പം വയനാട്ടിലെത്തിയ മന്ത്രിമാർക്ക് നേരെ യൂത്ത് കോൺ​ഗ്രസ് കരിങ്കൊടി കാണിച്ചു. ഇവരെ പൊലീസ് അറസ്റ്റ് ചെയ്ത് നീക്കി.