കണ്ണൂര് എഡിഎം നവീന് ബാബുവിന്റെ മരണത്തിൽ പ്രതിഷേധിച്ച് നാളെ മലയാലപ്പുഴ ഗ്രാമപഞ്ചായത്തിൽ കോണ്ഗ്രസ് ഹര്ത്താൽ . നാളെ രാവിലെ ആറു മുതൽ വൈകിട്ട് ആറുവരെയാണ് ഹര്ത്താല്. അവശ്യ സര്വീസുകളെ ഹര്ത്താലിൽ നിന്ന് ഒഴിവാക്കി. കണ്ണൂർ എഡിഎം കെ നവീൻ ബാബുവിന്റെ മരണം സംബന്ധിച്ച് കണ്ണൂര് ജില്ലാ കളക്ടർ റവന്യു വകുപ്പ് മന്ത്രിക്ക് പ്രാഥമിക റിപ്പോർട്ട് സമർപ്പിച്ചു. ജില്ലാ പഞ്ചായത്ത് പ്രസിഡൻറ് ഉന്നയിച്ച വിഷയം സംബന്ധിച്ച് പരാതിക്കാരന്റെ ഭാഗത്തുനിന്ന് രേഖാമൂലമുള്ള പരാതിയൊന്നും തനിക്ക് ലഭിച്ചിട്ടില്ലെന്ന് കളക്ടർ റിപ്പോർട്ടിൽ അറിയിച്ചു.