ലോക്സഭ തെരഞ്ഞെടുപ്പിന്റെ  അ‍ഞ്ചാംഘട്ടത്തിലും  തണുത്ത പ്രതികരണം

ലോക്സഭ തെരഞ്ഞെടുപ്പിന്റെ  അ‍ഞ്ചാംഘട്ടത്തിലും  തണുത്ത പ്രതികരണം. തെരഞ്ഞെടുപ്പ് കമ്മീഷന്റെ  കണക്കനുസരിച്ച് ഉച്ചക്ക്  മൂന്ന് വരെ 47.53 ശതമാനം പോളിംഗാണ് രേഖപ്പെടുത്തിയത്. മഹാരാഷ്ട്ര അഞ്ചാം ഘട്ട വോട്ടെടുപ്പ് അഞ്ചു മണി വരെ ആയപ്പോള്‍ 48.66%, ഏറ്റവും കുറവ് പോളിംഗ് കല്യാണിൽ 41.70% എന്നിങ്ങനെയാണ്. നാലു മണ്ഡലങ്ങളിൽ പോളിംങ് 50 ശതമാനം പിന്നിട്ടു. ഉത്തർപ്രദേശ് 55.80 %, അമേഠിയില്‍ 52.68%, റായ്ബറേലിയില്‍  56.26% പോളിങ്ങും  രേഖപ്പെടുത്തി. റായ്ബറേലിയിൽ ബിജെപിക്ക് വോട്ട് ചെയ്യാൻ വോട്ടർമാരെ ഭീഷണിപ്പെടുത്തിയെന്ന് രാഹുൽ ഗാന്ധി ആരോപിച്ചു. ലഖ്നൗ, റായ്ബറേലിയടക്കം  പലയിടങ്ങളിലും വോട്ടിംഗ് മെഷിനുകൾ പണിമുടക്കിയത് പോളിംഗ് വൈകിപ്പിച്ചു.