2021 ജനുവരി 29 നാണ് വിഎസ് സുനിൽകുമാർ നാഥുറാം വിനായക് ഗോഡ്സെയെ ആർഎസ്എസ് കാപാലികൻ എന്ന് വിശേഷിപ്പിച്ച് ഫെയ്സ്ബുക്ക് പോസ്റ്റിട്ടത്. ഫേസ്ബുക്ക് പോസ്റ്റിലെ ഈ പരാമർശത്തിനെതിരെ ആർഎസ്എസ് കേരള പ്രാന്തസംഘചാലക് കെ കെ ബൽറാം നൽകിയ പരാതിയിൽ പോലീസ് കേസെടുത്തിരുന്നു. ഇതേ തുടർന്ന് മുൻ കൃഷിമന്ത്രി കൂടിയായ വി.എസ് സുനിൽകുമാർ കണ്ണൂർ ജില്ലാ കോടതിയിൽ നേരിട്ടെത്തി ജാമ്യം എടുക്കുകയായിരുന്നു.
