2018 ൽ ആരംഭിച്ച ഇലക്ടറല്‍ ബോണ്ടിന്റെ 2019 മാർച്ച് മുതൽ 2024 ജനുവരി വരെയുള്ള കണക്കാണ് എസ്.ബി.ഐ സമർപ്പിച്ചത്. ബോണ്ടുകള്‍ വാങ്ങിയ കമ്പനികളുടെ പട്ടികയില്‍ 18,871 എന്‍ട്രികളാണുള്ളത്. എന്നാല്‍ ബോണ്ടുകള്‍ സ്വീകരിച്ച രാഷ്ട്രീയ പാര്‍ട്ടികളുടെ പട്ടികയില്‍ 20,421 എന്‍ട്രികളുമുണ്ട്. കേസ് സുപ്രീംകോടതി ഇന്ന് വീണ്ടും പരിഗണിക്കും. അതോടൊപ്പം 47.5% ഇലക്ടൽ ബോണ്ടുകളും സ്വന്തമാക്കിയിരിക്കുന്നത് ബിജെപിയാണ്. 6060 കോടി രൂപയാണ് ബിജെപിക്ക് 2019 മുതൽ 2024 വരെ സംഭാവനയായി കിട്ടിയത്. കൂടുതൽ ബോണ്ടുവാങ്ങിയ ആദ്യ അഞ്ച് കമ്പനികളിൽ മൂന്ന് കമ്പനികളും ഇഡി, ആദായനികുതി വകുപ്പ് അന്വേഷണ നടപടി നേരിടുമ്പോഴാണ് ബോണ്ട് വാങ്ങിയത്. കൂടാതെ ഇലക്ടറൽ ബോണ്ട് വാങ്ങിയ കമ്പനികളുടെ പട്ടികയില്‍ 2019 ഏപ്രിലില്‍ പാക്കിസ്ഥാനില്‍ നിന്നുള്ള ഹബ് പവർ എന്ന കമ്പനിയും ബോണ്ട് വാങ്ങിയെന്ന് റിപ്പോർട്ടുണ്ട്.
Shaji Padmanabhan
Thirty years of experience in publication field. Started carrier from Gulf Voice monthly malayalam magazine in 1994. Worked in Mangalam (2000), Kerala Kaumudi (2004). Started a publication in 2008, named... More by Shaji Padmanabhan