ഗവർണർ ആരിഫ് മുഹമ്മദ് ഖാനെതിരെ മന്ത്രി ചിഞ്ചുറാണി

വയനാട് വെറ്ററിനറി സര്‍വകലാശാല വിസിയെ ഗവർന്നർ ആരിഫ് മുഹമ്മദ് ഖാൻ സസ്പെന്റ് ചെയ്ത സംഭവത്തില്‍ ഗവർണറുടെ നടപടി സർക്കാരുമായി ആലോചിക്കാതെയായിരുന്നുവെന്ന് മന്ത്രി ചിഞ്ചുറാണി വ്യക്തമാക്കി. വിസിയെ സസ്പെൻഡ് ചെയ്യേണ്ട സാഹചര്യം ഉണ്ടായിരുന്നില്ലെന്നും ചെയ്യേണ്ട നടപടികൾ സർവകലാശാല എടുത്ത് കഴിഞ്ഞിരുന്നുവെന്നും മന്ത്രി പറഞ്ഞു. സർക്കാർ ഗവർണർ പോരിന്റെ ഭാഗമാണ് ഗവർണറുടെ നടപടി എന്ന് കരുതുന്നില്ലെന്നും, ചാൻസലർ എന്ന നിലയിൽ വെറ്ററിനറി സർവകലാശാലയുടെ കാര്യത്തിൽ ഗവർണറുടെ ഭാഗത്ത് നിന്നും നല്ല സഹകരണമാണ് ഉണ്ടായിരുന്നതെന്നും മന്ത്രി വ്യക്തമാക്കി.