ബാസ്കിൻ റോബിൻസ്…. രുചിയുടെ രാജാവ്….!!!!

ബാസ്കിൻ റോബിൻസ്…. രുചിയുടെ രാജാവ്….!!!! | അറിയാക്കഥകൾ

ഐസ്ക്രീം എല്ലാവർക്കും ഇഷ്ടമാണ്. നിരവധി ഫ്ലേവറുകളിൽ പലതരം ബ്രാൻഡുകളിൽ ഐസ്ക്രീം ഇന്ന് ലഭ്യമാണ്. കഴിച്ചാൽ ഒരിക്കലും മറക്കാത്ത രുചിയുടെ അനുഭവം സമ്മാനിക്കുന്ന, ഐസ്ക്രീമിന്റെ ലോകത്തെ രാജാവായ ബാസ്കിൻ റോബിൻസ് ഒട്ടുമിക്കവരുടെയും ഏറ്റവും ഫേവറേറ്റ് ഐസ്ക്രീം ബ്രാൻഡ് ആണ്. ഒരിക്കൽ ബാസ്കിൻ റോബിൻസിന്റെ ഐസ്ക്രീം കഴിച്ചാൽ പിന്നീട് നമ്മൾ എവിടെപ്പോയാലും ചോദിച്ചു തന്നെ വാങ്ങി കഴിക്കും. അത്രയും രുചി മാത്രമല്ല, അത്രയധികം ഫ്ലേവറുകളിൽ ബാസ്കിൻ റോബിൻസ് ഐസ്ക്രീം ലഭ്യമാണ്. ബാസ്കിൻ റോബിൻസിന്റെ തുടക്കം എവിടെ നിന്നാണെന്ന് നോക്കാം…!!!

ഇൻസ്പെയർ ബ്രാൻഡുകളുടെ ഉടമസ്ഥതയിലുള്ള ഐസ്ക്രീം, കേക്ക് ഷോപ്പുകളുടെ അമേരിക്കൻ ബഹുരാഷ്ട്ര ശൃംഖലയാണ് ബാസ്കിൻ-റോബിൻസ്. 1945-ൽ കാലിഫോർണിയയിലെ ഗ്ലെൻഡേലിൽ ബർട്ട് ബാസ്കിൻ, ഇർവ് റോബിൻസ് എന്നിവർ ചേർന്നാണ് ബാസ്കിൻ-റോബിൻസ് സ്ഥാപിച്ചത്. രണ്ടാം ലോകമഹായുദ്ധസമയത്ത് 1946-ൽ കാലിഫോർണിയയിൽ ബർട്ടൻ്റെ ഐസ്ക്രീം ഷോപ്പ് ആരംഭിച്ചു. കൗമാരപ്രായത്തിൽ ഇർവ് റോബിൻസ് തൻ്റെ പിതാവിൻ്റെ കടയിൽ ഒരു ഐസ്ക്രീം കൗണ്ടർ കൈകാര്യം ചെയ്തിരുന്നു.1948-ൽ അവർ തങ്ങളുടെ കമ്പനികളെ സംയോജിപ്പിച്ച് ബാസ്കിൻ-റോബിൻസ് എന്ന് വിളിക്കാൻ തീരുമാനിക്കുകയായിരുന്നു.ഇതിൻ്റെ ആസ്ഥാനം മസാച്യുസെറ്റ്‌സിലെ കാൻ്റണിലാണ്, കൂടാതെ ഇവരുടെ സഹോദര ബ്രാൻഡാണ് ഡങ്കിൻ ഡോനട്ട്‌സ്.

സ്നോബേർഡ് ഐസ്ക്രീം, ബാസ്കിൻ-റോബിൻസിനായി 21 രുചികൾ വാഗ്ദാനം ചെയ്തു; അവയും കൂടി ലയിപ്പിച്ചപ്പോൾ ഐസ്ക്രീം ഫ്ലേവേഴ്‌സ് 31 ആയി.ഒരു ഉപഭോക്താവിന് എല്ലാ ദിവസവും വ്യത്യസ്തമായ രുചി പകരുമെന്ന ആശയത്തോടെയാണ്, കമ്പനി “31 ഫ്ലേവറുകൾ” വിതരണം ചെയ്യാൻ ആരംഭിച്ചത്. ലോഗോയിൽ “B”, “R” എന്നീ അക്ഷരങ്ങളിൽ നിന്ന് രൂപപ്പെട്ട ഒരു സ്റ്റൈലൈസ്ഡ് ആണ് കൊടുത്തിരിക്കുന്നത് ഇതിനോടൊപ്പം തന്നെ “31” ഉം ഉൾപ്പെടുന്നു. 1945 മുതൽ കമ്പനി 1,300-ലധികം രുചികൾ അവതരിപ്പിച്ചു. ഇവയെല്ലാം തന്നെ ഹിറ്റായി.

1948 ആയപ്പോഴേക്കും ബാസ്കിനും റോബിൻസും ആറ് സ്റ്റോറുകൾ കൂടി തുറന്നു. പിന്നീട്കമ്പനിയുടെ ഉൽപ്പാദന കേന്ദ്രം ബർബാങ്കിൽ തുറന്നു. 1953-ൽ, ബാസ്കിൻ-റോബിൻസ് കാർസൺ-റോബർട്ട്സിനെ അഡ്വർടൈസിംഗിനായി നിയമിച്ചു. 1962 നവംബർ 26-ന് ബാസ്കിൻ-റോബിൻസ്, Inc. എന്നാക്കി വീണ്ടും പേര് മാറ്റി. 1967-ൽ (ബർട്ട് ബാസ്കിൻ്റെ മരണത്തിന് തൊട്ടുമുമ്പ്) യുണൈറ്റഡ് ഫ്രൂട്ട് ഏറ്റെടുക്കുന്നതുവരെ ബാസ്കിൻ-റോബിൻസ് അതിൻ്റെ സ്ഥാപകരുടെ ഉടമസ്ഥതയിലായിരുന്നു. 1970-കളിൽ, ഈ ശൃംഖല അന്താരാഷ്ട്ര തലത്തിലേക്ക് നീങ്ങി, ജപ്പാൻ, സൗദി അറേബ്യ, ദക്ഷിണ കൊറിയ, ഓസ്‌ട്രേലിയ എന്നിവിടങ്ങളിൽ സ്റ്റോറുകൾ ആരംഭിച്ചു.Baskin-Robbins, Dunkin’ Donuts എന്നിവ ഉൾപ്പെടുന്നതാണ് Dunkin’ Brands, Inc.

ബാസ്കിൻ-റോബിൻസ് 2013-നും 2015-നും ഇടയിൽ 36 പുതിയ കടകൾ തുറന്നു. 2014 മാർച്ചിൽ ആരംഭിച്ച സാൻ ഡീഗോയിലെ കാലിഫോർണിയയുടെ ആദ്യ കോ-ബ്രാൻഡഡ് ലൊക്കേഷൻ ഉൾപ്പെടെ, നിരവധി പുതിയ ബാസ്‌കിൻ-റോബിൻസ് ഷോപ്പുകൾ ഡങ്കിൻ ഡോനട്ട്‌സുമായി സഹ-ബ്രാൻഡ് ചെയ്‌തിരിക്കുന്നു.2014-ൽ, Baskin-Robbins യുഎസിലുടനീളമുള്ള സൂപ്പർമാർക്കറ്റുകളിൽ ആദ്യമായി ഐസ്ക്രീം വിൽക്കാൻ തുടങ്ങി. 2017 ജൂലൈയിൽ, യുണൈറ്റഡിലെ 22 നഗരങ്ങളിൽ ഐസ്ക്രീം വിതരണം ചെയ്യുന്നതിനായി ബാസ്കിൻ-റോബിൻസ് അവരുടെ സ്ഥലങ്ങൾ ഡെലിവറി സർവീസ് പ്ലാറ്റ്ഫോമായ DoorDash-ലേക്ക് ചേർക്കാൻ തുടങ്ങി.

ബാസ്കിൻ-റോബിൻസ് 2022 ഏപ്രിൽ 11-ന് “സീസ് ദ യേ” എന്ന പുതിയ ടാഗ്‌ലൈനിനൊപ്പം അപ്‌ഡേറ്റ് ചെയ്ത ഒരു ലോഗോ അവതരിപ്പിച്ചു.ലോകത്തിലെ ഏറ്റവും വലിയ ഐസ്ക്രീം സ്‌പെഷ്യാലിറ്റി സ്റ്റോറുകളുടെ ശൃംഖലയായി ബാസ്കിൻ റോബിൻസ് മാറി. 8,000-ലധികം സ്ഥലങ്ങളിലായി ബാസ്കിൻ-റോബിൻസ് നിരവധി ഷോപ്പുകൾ തുടങ്ങി. ബാസ്കിൻ റോബിൻസിന്റെ അന്താരാഷ്‌ട്ര ലൊക്കേഷനുകളിൽ റെഡ് ബീൻ, ലിച്ചി ഗോൾഡ്, ബ്ലാക്ക് കറൻ്റ്, കാന്താലൂപ്പ് എന്നിങ്ങനെ ഓരോ രാജ്യത്തും പ്രചാരത്തിലുള്ള ഐസ്‌ക്രീമിൻ്റെ രുചികൾ തികച്ചും വ്യത്യസ്തമാണ്. മിൻ്റ് ചോക്കലേറ്റ് ചിപ്പ്, കുക്കീസ് & ക്രീം എന്നിവയാണ് ഏഷ്യയിലെ ബാസ്കിൻ റോബിൻസിൻ്റെ ഏറ്റവും പ്രശസ്തമായ രുചികൾ.ജപ്പാൻ, തായ്‌വാൻ, ചൈന, ഫിലിപ്പീൻസ് എന്നിവിടങ്ങളിൽ ബാസ്കിൻ-റോബിൻസ് “31” അല്ലെങ്കിൽ “31 ഐസ്ക്രീം” എന്നാണ് അറിയപ്പെടുന്നത്. ബാസ്‌കിൻ-റോബിൻസ് ഓസ്‌ട്രേലിയ ഫ്രാഞ്ചൈസ് സപ്പോർട്ട് & ട്രെയിനിംഗ് സെൻ്റർ ബ്രിസ്‌ബേനിലാണ് പ്രവർത്തിക്കുന്നത്.

ബാസ്കിൻ റോബിൻസ് എന്ന ഐസ്ക്രീം ബ്രാൻഡ് കേരളത്തിൽ ഉൾപ്പെടെ ഇത്രയധികം ഹിറ്റാകാൻ കാരണം അവർ നൽകുന്ന വ്യത്യസ്ത രുചിഭേദങ്ങളാണ്. 31 ഫ്ലേവറുകളിൽ ബാക്കിൻ റോബിൻസിന്റെ ഐസ്ക്രീം ലഭ്യമാണ്. ഒട്ടുമിക്ക ആഘോഷങ്ങൾക്കും ആഡംബര പാർട്ടികൾക്കും ബാസ്കിൻ റോബിൻസ് ഐസ്ക്രീം ബ്രാൻഡ് ഉപയോഗിക്കാറുണ്ട്. കൊച്ചു കുട്ടികൾ മുതൽ മുതിർന്നവർ വരെ ഇഷ്ടപ്പെടുന്ന നിരവധി ഫ്ലേവറുകളിൽ ഈ ഐസ്ക്രീം ലഭ്യമാണ്. ഇത്രയധികം ഫ്ലേവറുകൾ നൽകുന്ന മറ്റൊരു ഐസ്ക്രീം ബ്രാൻഡ് വേറെയില്ല. അതുകൊണ്ടുതന്നെയാണ് ബാസ്കിൻ റോബിൻസ് ഇന്നും ഐസ്ക്രീം ബ്രാൻഡുകളുടെ ഇടയിൽ ടോപ്പ് ലിസ്റ്റിൽ നിൽക്കുന്നത്.

തയ്യാറാക്കിയത്

നീതു ഷൈല