ബജറ്റ് പ്രസംഗത്തിനു ശേഷം നിയമസഭ അടുത്ത തിങ്കളാഴ്ച്ച ചേരാനായി പിരിഞ്ഞു

നവകേരള സദസിൽ വന്ന പദ്ധതികളുടെ നടത്തിപ്പിന് 1000 കോടി അനുവദിച്ചു. സ്വന്തമായി വൈദ്യുതി ഉൽപ്പാദിപ്പിക്കുന്നവരുടെ തീരുവയൂണീറ്റിന് 1.2 പൈസയിൽ നിന്ന് 15 പൈസയായി ഉയർത്തിയതോടെ നിരക്ക് വർദ്ധിക്കും. കോടതി ഫീ വർദ്ധിപ്പിക്കുന്നതിലൂടെ 50 കോടി വരുമാനം ലഭിക്കുമെന്നും മോട്ടോർ വാഹന നിരക്ക് പരിഷ്ക്കരിക്കും. വിദേശമദ്യത്തിന് ലിറ്ററിന് പത്ത് രൂപ കൂടുമെന്നും, അഖിലേന്ത്യാ ടൂറിസ്റ്റ് ബസുകളുടെ രജിസ്ടേഷൻ നിരക്ക് കുറച്ചു. ഉപയോഗശൂന്യമായ വാഹനങ്ങളും വസ്തുക്കളും നീക്കം ചെയ്യുന്നതിലൂടെ വിവിധ ഗവൺമെൻറ് വകുപ്പുകളിൽ നിന്നായി 200 കോടി രൂപ സമാഹരിക്കാൻ ലക്ഷ്യമിടുന്നതായി മന്ത്രി പറഞ്ഞു. അടുത്ത സാമ്പത്തിക വർഷത്തെ ബജറ്റ് കമ്മി 27846.05 കോടി ആയിരിക്കുമെന്ന് രണ്ടര മണിക്കൂർ നീണ്ട ബജറ്റ് പ്രസംഗത്തിൽ മന്ത്രി അറിയിച്ചു. തുടർന്ന് നിയമസഭ അടുത്ത തിങ്കളാഴ്ച്ച ചേരാനായി പിരിഞ്ഞു.