സംവരണപ്പട്ടിക പരിഷ്കരിക്കാനുള്ള സാമൂഹിക സാമ്പത്തിക സര്വേ പൂര്ത്തിയാക്കാന് അനുവദിച്ച സമയപരിധി കഴിഞ്ഞിട്ടും നടപടിയുണ്ടായിട്ടില്ലെന്ന മൈനോറിറ്റി ഇന്ത്യന്സ് പ്ലാനിങ് ആന്ഡ് വിജിലന്സ് കമ്മിഷന് ട്രസ്റ്റ് നല്കിയ പരാതിയിൽമേൽ നല്കിയ മറുപടിയിലാണ് പ്രത്യേക ജാതി സര്വേ സംസ്ഥാനം നടത്താത്തത് സംബന്ധിച്ച ചീഫ് സെക്രട്ടറി വിശദീകരണം നല്കി. ജാതി സെൻസസ് നടത്തേണ്ടത് സംസ്ഥാനമല്ല, മറിച്ച് കേന്ദ്രസർക്കാരാണെന്ന് കേരളം സുപ്രീം കോടതിയിൽ നിലപാട് അറിയിച്ചു. കേരളത്തിലെ സാമൂഹിക, സാമ്പത്തിക സ്ഥിതി സംബന്ധിച്ച് 2011-ലെ സെന്സസിന്റെ ഭാഗമായി കേന്ദ്രം വിവരങ്ങൾ ശേഖരിച്ചിട്ടുണ്ട്. കേന്ദ്രം ഡാറ്റ ശേഖരിച്ച സാഹചര്യത്തില് പ്രത്യേകമായി സര്വേ നടത്തേണ്ട എന്നായിരുന്നു കേരളത്തിന്റെ നിലപാട്.
