നടപ്പ് സാമ്പത്തിക വര്ഷത്തിന്റെ ഒന്നാം പാദത്തില് മികച്ച പ്രവര്ത്തനഫലം പുറത്തുവിട്ട് മുത്തൂറ്റ് മൈക്രോഫിന് ലിമിറ്റഡ്. മുന്വര്ഷത്തെ അപേക്ഷിച്ച് അറ്റാദായത്തില് 12 മടങ്ങ് വളര്ച്ച രേഖപ്പെടുത്തി. കമ്പനിയുടെ ചരിത്രത്തിലെ ഏറ്റവും ഉയര്ന്ന വായ്പാ വിതരണം ഈ കാലയളവിലുണ്ടായി. പ്രവര്ത്തനക്ഷമതയിലെ മികവും ഗ്രാമീണ വിപണിയിലെ ശക്തമായ സ്വാധീനവും കമ്പനിയുടെ ദീര്ഘകാല വളര്ച്ചാ സാധ്യതകള് മുന്നോട്ടുവെയ്ക്കുന്നു. ക്രെഡിറ്റ് റേറ്റിംഗിലെ മുന്നേറ്റം കമ്പനിയുടെ സാമ്പത്തിക ഭദ്രതയ്ക്കുള്ള അംഗീകാരമായി. ഇതിന്റെ ഫലമായി കമ്പനിയുടെ ശരാശരി വായ്പാ ചെലവ് 10.27 ശതമാനത്തില് നിന്ന് 10.13 ശതമാനമായി കുറയ്ക്കാന് സാധിച്ചു. കുറഞ്ഞ പലിശ നിരക്കില് ഫണ്ട് സമാഹരിക്കാന് സാധിക്കുന്നത് വരും പാദങ്ങളിലും ലാഭക്ഷമത വര്ധിപ്പിക്കാന് സഹായിക്കും.
