കടുവകളെയും പുലികളെയും കൂടുവച്ച് പിടികൂടാനുള്ള നടപടികൾ ലഘൂകരിക്കുമെന്ന് വനംമന്ത്രി

കടുവ വളർത്തുമൃഗങ്ങളെ ആക്രമിച്ച വയനാട് മൂടക്കൊല്ലിയില്‍ കടുവയെ പിടികൂടാന്‍ കൂട് സ്ഥാപിച്ചിട്ടുണ്ടെന്നും രാഷ്ട്രീയ മുതലെടുപ്പിനുള്ള ശ്രമമാണിപ്പോള്‍ നടക്കുന്നതെന്നും വളര്‍ത്തു പന്നികളെ നഷ്ടപ്പെട്ട കര്‍ഷകന് നഷ്ടപരിഹാരം നല്‍കുമെന്നും എകെ ശശീന്ദ്രന്‍. അതോടൊപ്പം ജനവാസമേഖലയിലിറങ്ങി പ്രശ്നങ്ങളുണ്ടാക്കുന്ന കടുവകളെയും പുലികളെയും കൂടുവെച്ച് പിടികൂടാനുള്ള നടപടിക്രമങ്ങള്‍ ലഘൂകരിക്കുന്നത് പരിശോധിക്കുകയാണെന്നും, താഴെത്തട്ടിലുള്ള ഉദ്യോഗസ്ഥര്‍ക്ക് തീരുമാനമെടുക്കാനാകുമോ എന്നാണ് പരിശോധിക്കുന്നതെന്നും അദ്ദേഹം വ്യക്തമാക്കി.