പട്ടയം മിഷന് ഈ മാസം 25ന് കോട്ടയത്ത് മുഖ്യമന്ത്രി പിണറായി വിജയന് ഉദ്ഘാടനം ചെയ്യുമെന്ന് റവന്യൂ വകുപ്പ് മന്ത്രി കെ.രാജന് അറിയിച്ചു. സംസ്ഥാനത്ത് അര്ഹതപ്പെട്ട എല്ലാവരെയും ഭൂമിയുടെ അവകാശികളാക്കാന് ലക്ഷ്യമിടുന്ന പദ്ധതിയാണിത്. ഭൂപരിഷ്ക്കരണ നിയമം നടപ്പാക്കി അരനൂറ്റാണ്ടായെങ്കിലും, പല കാരണങ്ങളാല് ഭൂമിക്ക് കൈവശാവകാശ രേഖകള് ലഭിക്കാത്ത നിരവധിപേരുണ്ട്. ഇത് പരിഹരിക്കാന് എം.എല്.എമാരുടെയും ജനപ്രതിനിധികളുടെയും നേതൃത്വത്തില് 140 നിയോജക മണ്ഡലങ്ങളിലും യോഗങ്ങള് ചേരും. വിവിധ സര്ക്കാര് വകുപ്പുകള്ക്ക് കീഴില് ഉപയോഗിക്കാതെ കിടക്കുന്ന ഭൂമിയടക്കം കണ്ടെത്തി ഭൂരഹിതര്ക്ക് വിതരണം ചെയ്യാന് കഴിയുന്ന ശ്രദ്ധേയമായ ഇടപെടലാണ് പട്ടയം മിഷനിലൂടെ ലക്ഷ്യം വയ്ക്കുന്നതെന്ന് മന്ത്രി പറഞ്ഞു.
