വയനാട് ഉരുള്പ്പൊട്ടല് ദുരന്തത്തിന് രണ്ട് മാസം പൂര്ത്തിയാകുമ്പോള് ഇനിയും 47 പേരെയാണ് കണ്ടെത്താനുള്ളത്. ദുരന്തത്തില് കാണാതായവർക്കുള്ള തെരച്ചില് പുനരാരംഭിക്കണമെന്ന് വയനാട്ടിലെ പ്രതിപക്ഷ പാർട്ടികൾ ആവശ്യപ്പെട്ടു. ഉരുൾപ്പൊട്ടലില് അകപ്പെട്ട 47പേരെ ഇനിയും കണ്ടെത്താനിരിക്കെ സർക്കാർ തെരച്ചില് നിര്ത്തിയതാണ് വിമർശനത്തിന് കാരണം. തെരച്ചില് തുടങ്ങിയില്ലെങ്കില് പ്രതിഷേധം തുടങ്ങാനാണ് നീക്കം. മൃതദേഹ ഭാഗങ്ങള് കണ്ടെത്തിയ സൂചിപ്പാറ,ആനടികാപ്പ് മേഖലയില് തെരച്ചില് നടത്തണമെന്ന ആവശ്യം മുൻപ് കാണാതായവരുടെ ബന്ധുക്കള് ചീഫ് സെക്രട്ടറിയോട് ഉന്നയിച്ചിരുന്നു. ഇത് അനുസരിച്ച് തെരച്ചില് നടത്തിയപ്പോള് അഞ്ച് മൃതദേഹഭാഗങ്ങളും കണ്ടെത്തിയിരുന്നു.