ഒളിംപിക്സ് സമാപന ചടങ്ങില് പി ആര് ശ്രീജേഷ് ഇന്ത്യന് പതാക വഹിക്കും. ജാവലിന് ത്രോയില് വെള്ളി സമ്മാനിച്ച നീരജ് ചോപ്രയോട് സംസാരിച്ചതിന് ശേഷമാണ് തീരുമാനം എന്ന് പി ടി ഉഷ വ്യക്തമാക്കിയിരുന്നു. ശ്രീജേഷിന്റെ പേര് അങ്ങോട്ട് നിര്ദേശിക്കാന് ഇരിക്കുകയായിരുന്നു എന്ന് നീരജ് മറുപടി പറഞ്ഞതായി ഉഷ പറഞ്ഞു. ഇന്ത്യന് ഹോക്കിക്ക് ശ്രീജേഷ് നല്കിയ സംഭാവനയ്ക്കുള്ള ആദരമെന്ന് ഇന്ത്യന് ഒളിംപിക് അസോസിയേഷനും വ്യക്തമാക്കി. വനിത വിഭാഗത്തില് മനു ഭാക്കറിനെ നേരത്തെ പ്രഖ്യാപിച്ചിരുന്നു. ഈ അംഗീകാരം ലഭിക്കുന്ന മൂന്നാമത്തെ മലയാളിയാണ് ശ്രീജേഷ്. 1992ല് ഷൈനി വില്സനും 2004ല് അഞ്ജു ബോബി ജോര്ജും ഇന്ത്യന് പതാക വഹിച്ചിട്ടുണ്ട്.