ആകാശത്ത് കുറെ മുന്‍പ് ഒരു ദൈവദൂതനുണ്ടായിരുന്നു. വെള്ളയുടുപ്പിട്ട ഒരു ദൈവദൂതന്‍. ഞങ്ങളന്യോനം ചിരിയുതിര്‍ത്ത് അഭിവാദ്യം ചെയ്തുതീരുംമുന്‍പ് ഇളംനീലനിറമുള്ള മേഘം വന്ന് ഇടയില്‍നിന്നു. സമുദ്രത്തിന്റെ നീല. ലളിതമായ കഥകളുടെ ആഴങ്ങളില്‍ പലതുമൊളിപ്പിച്ചുവെച്ച എഴുത്തുകാരനായിരുന്നു സതീഷ്ബാബു. അകാലത്തില്‍ പൊലിഞ്ഞ അതുല്യപ്രതിഭ. ആധുനികതയും ഗൃഹാതുരതയും ഇഴചേര്‍ന്ന രചനാശൈലിയിലുള്ള ഇരുപത് ചെറുകഥകളാണ് ഈ സമാഹാരത്തിലുള്ളത്. ‘വെള്ളിവെളിച്ചങ്ങള്‍’. സതീഷ് ബാബു പയ്യന്നൂര്‍. പൂര്‍ണ പബ്‌ളിക്കേഷന്‍സ്. വില 152 രൂപ.