സിപിഎമ്മിനും മുഖ്യമന്ത്രിക്കുംഇ പി ജയരാജനെ തൊടാൻ ഭയമാണെന്ന്  വി ഡി സതീശൻ

സിപിഎമ്മിനും മുഖ്യമന്ത്രിക്കുംഇ പി ജയരാജനെ തൊടാൻ ഭയമാണെന്ന്  വി ഡി സതീശൻ. മുഖ്യമന്ത്രിയുടെ ഏജന്‍റായി ബിജെപിയുമായി സംസാരിച്ച ഇ പിക്കെതിരെ ചെറുവിരൽ അനക്കാനുള്ള ധൈര്യം  സിപിഎമ്മിനില്ല. ഇ പിയുടെ നാവിൻ തുമ്പിലുള്ളത് സിപിഎമ്മിനെയും മുഖ്യമന്ത്രിയേയും  ഒന്നാകെ തകർക്കാനുള്ള ബോംബുകളാണ് എന്നും വി ഡി സതീശൻ വിമർശിച്ചു . ജയരാജന് ബിജെപിയിലേക്ക് പോകാൻ സമ്മതം നൽകുകയാണ് സിപിഎം ഇന്ന് ചെയ്തത്. ഇ പി ജയരാജൻ മാത്രമല്ല മുഖ്യമന്ത്രിയും പ്രകാശ് ജാവ്ദേക്കറുമായി പലതവണ സംസാരിച്ചിട്ടുണ്ട്. മുഖ്യമന്ത്രി എവിടെ വച്ചാണ് ജാവ്ദേക്കറുമായി സംസാരിച്ചതെന്ന് കൂടി സിപിഎം സംസ്ഥാന നേതൃത്വം വ്യക്തമാക്കണം എന്നും അദ്ദേഹം പറഞ്ഞു.