പശ്ചിമ ബംഗാളില് ട്രെയിനുകള് കൂട്ടിയിടിച്ച് അപകടം. പശ്ചിമ ബംഗാളിലെ ഡാര്ജിലിംഗ് ജില്ലയിലാണ് അപകടമുണ്ടായത്. അഞ്ച് പേര് മരിച്ചതായി ഡാര്ജിലിംഗ് എസ് പി സ്ഥിരീകരിച്ചു. ഗുഡ്സ് ട്രെയിൻ കാഞ്ചൻജംഗ എക്സ്പ്രസ് ട്രെയിനിലേക്ക് ഇടിച്ചുകയറുകയായിരുന്നു. ദേശീയ ദുരന്ത നിവാരണ സേനയും 15 ആംബുലന്സുകളും സ്ഥലത്തെത്തി. രക്ഷാപ്രവര്ത്തനം പുരോഗമിക്കുകയാണ്. 25 പേര്ക്ക് പരിക്കേറ്റുവെന്നും ഇവരെ ആശുപത്രിയിലേക്ക് മാറ്റിയെന്നും അധികൃതര് അറിയിച്ചു. ഗുഡ്സ് ട്രെയിൻ സിഗ്നല് തെറ്റിച്ച് പോയെന്നും ഇതാണ് അപകടത്തിനിടയാക്കിയതെന്നുമാണ് റെയില്വെയുടെ വിശദീകരണം.