മറുവാക്ക് മാസിക എഡിറ്റർക്കെതിരെ പൊലീസ് കേസെടുത്തു

മുഖ്യമന്ത്രിയെ സമൂഹ മാധ്യമത്തിൽ അവഹേളിച്ചെന്ന പരാതിയിൽ മറുവാക്ക് മാസിക എഡിറ്റർ അംബികക്കെതിരെ കോഴിക്കോട് കസബ പൊലീസ് കേസെടുത്തു. സമൂഹത്തിൽ സമാധാന അന്തരീക്ഷം തകർക്കാൻ ശ്രമം, അപകീർത്തിപ്പെടുത്താൻ ശ്രമം എന്നീ വകുപ്പ് പ്രകാരമാണ് കേസ്. സമൂഹ മാധ്യമത്തിൽ നിന്ന് വിവരങ്ങൾ ശേഖരിച്ച ശേഷം തുടർ നടപടികൾ സ്വീകരിക്കുമെന്ന് പൊലീസ് അറിയിച്ചു. കൊച്ചിയിലെ മാധ്യമ പ്രവർത്തകൻ നൽകിയ പരാതിയുടെ അടിസ്ഥാനത്തിലാണ് കേസെടുത്തതെന്നാണ് സൂചന.