ബംഗാൾ ഉൾക്കടലിൽ രൂപപെട്ട ന്യൂനമർദം, ചുഴലിക്കാറ്റ് ആയി മാറിയേക്കും. അടുത്ത തിങ്കളാഴ്ചയോടെ അർണാബ് ചുഴലിക്കാറ്റ് ആയി മാറി, ആന്ധ്രാ ഒഡീഷ തീരത്തേക്ക് നീങ്ങാനാണു സാധ്യത. ഈ സാഹചര്യത്തിൽ തമിഴ്നാട്ടിൽ മഴ ശക്തമായി തുടരുകയാണ്. വിരുദുനഗറിൽ വീടിന്റെ ഭിത്തി തകർന്ന് 17 കാരി മരിച്ചു. അതേസമയം ചുഴലിക്കാറ്റ് കേരളത്തിന് വലിയ തോതിൽ ഭീഷണിയാകുമെന്ന് കാലാവസ്ഥ പ്രവചനങ്ങളൊന്നും നിലവിലില്ല. എന്നാൽ ചൊവ്വാഴ്ച വരെ കേരളത്തിൽ തീവ്ര മഴ തുടരുമെന്നാണ് പ്രവചനം.
