ലോക്സഭാ തെരഞ്ഞെടുപ്പിന് ഇടതുമുന്നണിയിൽ സീറ്റ് ധാരണയായി

ലോക്സഭാ തെരഞ്ഞെടുപ്പിന് ഇടതുമുന്നണിയിൽ സീറ്റ് ധാരണയായി. പതിനഞ്ച് സീറ്റുകളിൽ സിപിഎം,നാല് സീറ്റുകളിൽ സിപിഐയും , ഒരു സീറ്റിൽ കേരള കോൺഗ്രസും  മത്സരിക്കും. കേരള കോൺഗ്രസ് മത്സരിക്കുന്നത് കോട്ടയം സീറ്റിലാണ്. അധിക സീറ്റ് വേണമെന്ന കേരള കോൺഗ്രസിന്റെയും, സീറ്റ് വേണമെന്ന് ആർജെഡിയുടെയും  ആവശ്യം പരിഗണിച്ചില്ല. കഴിഞ്ഞ തവണ മത്സരിച്ച പാർട്ടികൾ തന്നെ ഇത്തവണയും മത്സരിക്കട്ടെയെന്ന് മുഖ്യമന്ത്രി പിണറായി വിജയൻ  യോഗത്തിൽ നിർദ്ദേശിച്ചു, സോഷ്യലിസ്റ്റുകൾ സഹകരിക്കണമെന്നും മുഖ്യമന്ത്രി ആവശ്യപ്പെട്ടു. ഇടതുമുന്നണി തെരഞ്ഞെടുപ്പിന് സജ്ജമായി കഴിഞ്ഞു എന്ന് ഇ പി ജയരാജൻ പ്രതികരിച്ചു.