കളമശ്ശേരി സ്ഫോടനത്തിൽ തുടരന്വേഷണ പ്ലാൻ തയ്യാറാക്കി അന്വേഷണ സംഘം

കളമശ്ശേരി സ്ഫോടനത്തിൽ പ്രതി ഡൊമിനികിൻ്റെ മൊഴികൾ സാധൂകരിക്കുന്നതിനുള്ള കൂടുതൽ തെളിവുകൾ തേടും. ഇയാളുമായി അടുത്ത ബന്ധമുള്ളവരുടെ മൊഴി എടുക്കും. ഇന്നലെ അർധരാത്രി വരെ നീണ്ട യോഗത്തിൽ അന്വേഷണ സംഘം തുടരന്വേഷണ പ്ലാൻ തയ്യാറാക്കി. അതോടൊപ്പം പ്രതി ഡൊമനിക് മാർട്ടിനെ ഇന്ന് ജില്ലാ സെഷൻസ് കോടതിയിൽ ഹാജരാക്കും. യുഎപിഎ നിയമത്തിന് പുറമേ കൊലപാതകം വധശ്രമം അടക്കമുള്ള വകുപ്പുകൾ ചുമത്തിയാണ് കേസ്.