മന്ത്രിമാരുടെ സംഘം അടുത്തദിവസം തന്നെ വയനാട് സന്ദര്‍ശിക്കുമെന്ന് വനംമന്ത്രി

റവന്യു, തദ്ദേശ മന്ത്രിമാര്‍ ഉൾപ്പെടുന്ന സംഘം അടുത്തദിവസം തന്നെ വയനാട് സന്ദര്‍ശിക്കുമെന്ന് വനംമന്ത്രി എ.കെ. ശശീന്ദ്രന്‍. കുറുവയിൽ കാട്ടാന ആക്രമണത്തിൽ പരുക്കേറ്റ വെള്ളച്ചാലില്‍ പോളിന്റെ കുടുംബത്തിന് എല്ലാ സഹായവും നല്‍കുമെന്നും, പോളിനെ ആശുപത്രിയില്‍ എത്തിക്കുന്നതില്‍ വീഴ്ചയുണ്ടായിട്ടില്ല. തന്റെ രാജി ആവശ്യപ്പെടുന്നത് പ്രതിപക്ഷത്തിന്റെ ആത്മാര്‍ഥതയില്ലായ്മയാണെന്നും മന്ത്രി വ്യക്തമാക്കി. അതോടൊപ്പം മന്ത്രിമാരുടെ നേതൃത്വത്തിൽ ഉന്നതതലയോ​ഗം വിളിക്കണമെന്ന മുഖ്യമന്ത്രി പിണറായി വിജയന്റെ നിർദേശപ്രകാശം റവന്യു, വനം, തദ്ദേശസ്വയംഭരണം വകുപ്പ് മന്ത്രിമാരുടെ നേതൃത്വത്തിൽ ഈ മാസം 20ന് രാവിലെ വയനാട്ടിൽ ഉന്നതല യോ​ഗം ചേരും.