എസ്ആര്‍ 160 ന്റെ പിന്‍ഗാമിയായി എസ്ആര്‍ 175 നെ അപ്രീലിയ ഇന്ത്യയില്‍ ഔദ്യോഗികമായി പുറത്തിറക്കി. 1.26 ലക്ഷം രൂപ എക്‌സ്-ഷോറൂം വിലയ്ക്ക് എത്തുന്ന ഇത് ഇപ്പോള്‍ കൂടുതല്‍ ശക്തമായ മോട്ടോര്‍, പുതിയ സവിശേഷതകള്‍ എന്നിവയുമായിട്ടാണ് വരുന്നത്. സ്‌കൂട്ടറിന്റെ രൂപത്തിലും ഭാവത്തിലും കാര്യമായ മാറ്റമൊന്നുമില്ലെങ്കിലും, രണ്ട് പുതിയ ആര്‍എസ് 457 പ്രചോദിത ലിവറികളിലാണ് ഇത് വരുന്നത്. മാറ്റ് പ്രിസ്മാറ്റിക് ഡാര്‍ക്ക്, ഗ്ലോസി ടെക് വൈറ്റ്, എന്നിവയ്‌ക്കൊപ്പം വ്യത്യസ്ഥമായ ഡീക്കലുകളും കാണാം. എന്നിരുന്നാലും, കാഴ്ച്ചയിലുള്ള ഏറ്റവും വലിയ അപ്ഡേറ്റ് എന്നത് 457 ഇരട്ടകളില്‍ നിന്ന് കടമെടുത്ത പുതിയ 5.5 ഇഞ്ച് കളര്‍ ടിഎഫ്ടി ഡാഷ് ആണ്. തിരഞ്ഞെടുക്കാനുള്ള ഓപ്ഷനുകള്‍ക്കൊപ്പം ഇതിന്റെ ലേയൗട്ട് വ്യത്യസ്തമാണ്, കൂടാതെ ബ്ലൂടൂത്ത് കണക്ടിവിറ്റിയും ലഭ്യമാണ്. അടുത്ത വലിയ മാറ്റം എന്നത് പവര്‍ട്രെയിനാണ്, 174.7 സിസിയുടെ കൂടുതല്‍ ഡിസ്പ്ലേസ്മെന്റിലേക്ക് എഞ്ചിന്‍ ബോറ് ചെയ്തിരിക്കുന്നു, ഇത് ഇപ്പോള്‍ 7,200 ആര്‍പിഎമ്മില്‍ 13.08 ബിഎച്പി കരുത്തും 6,000 ആര്‍പിഎമ്മില്‍ 14.14 എന്‍എം പീക്ക് ടോര്‍ക്കും പുറപ്പെടുവിക്കുന്നു.
Shaji Padmanabhan
Thirty years of experience in publication field. Started carrier from Gulf Voice monthly malayalam magazine in 1994. Worked in Mangalam (2000), Kerala Kaumudi (2004). Started a publication in 2008, named... More by Shaji Padmanabhan