കോഴിക്കോട് നിപ വ്യാപനത്തില് ആശ്വാസം. ഹൈ സെക്യൂരിറ്റി ആനിമല് ഡിസീസസിലേക്ക് അയച്ച 42 സാമ്പിളുകളും നെഗറ്റീവ്. വവ്വാലുകള് ഉള്പ്പെടെയുള്ളവയുടെ സാമ്പിളുകളാണ് നെഗറ്റീവ് ആയത്.സെപ്റ്റംബര് 21 നാണ് വവ്വാലുകള്, കാട്ടു പന്നി എന്നിവ ഉള്പ്പെടെയുള്ളവയുടെ സാമ്പിളുകള് പരിശോധനയ്ക്ക് അയച്ചത്. ആദ്യം നിപ ബാധിച്ച് മരിച്ച മുഹമ്മദലിയുടെ പ്രദേശമായ മരുതോങ്കരയില് നിന്നാണ് പ്രധാനമായും സാമ്പിളുകള് ശേഖരിച്ചത്. ഈ പ്രദേശത്ത് കാട്ടുപന്നികള് തുടര്ച്ചയായി ചത്ത നിലയില് കാണപ്പെട്ടത് സംശയത്തിന് ഇടയാക്കിയിരുന്നു. ഇതിന്റെ അടിസ്ഥാനത്തിലാണ് ഈ മേഖല കേന്ദ്രീകരിച്ച് പരിശോധന നടത്തിയത്. ഭോപ്പാല് നാഷണല് ഇന്സ്റ്റിറ്റ്യൂട്ട് ഓഫ് ഹൈ സെക്യൂരിറ്റി ആനിമല് ഡിസീസസിലേക്ക് അയച്ച 42 സാമ്പിളുകളും നെഗറ്റീവായി.
