അശ്ലീലച്ചിത്ര നിര്‍മ്മാണക്കേസില്‍ അറസ്റ്റിലായ ശില്‍പ്പ ഷെട്ടിയുടെ ഭര്‍ത്താവും വ്യവസായിയുമായ രാജ് കുന്ദ്രയുടെ ജീവിതം സിനിമയാകുന്നു. നീലച്ചിത്ര നിര്‍മാണക്കേസും രാജ് കുന്ദ്രയുടെ ജയില്‍വാസവുമാണ് സിനിമയാകുന്നത്. അശ്ലീലച്ചിത്രം നിര്‍മ്മിച്ച് ആപ്പുകളിലൂടെ പ്രചരിപ്പിച്ച കേസില്‍ 2021 ജൂലൈ 19ന് ആണ് രാജ് കുന്ദ്ര അറസ്റ്റിലായത്. 63 ദിവസം രാജ് കുന്ദ്ര ജയിലില്‍ കഴിഞ്ഞിരുന്നു. ഈ കാലയളവിലെ കഥയാകും ചിത്രം പറയുക എന്നാണ് റിപ്പോര്‍ട്ട്. ചിത്രത്തിന്റെ ഔദ്യോഗിക പ്രഖ്യാപനം വന്നിട്ടില്ല. ചിത്രത്തില്‍ രാജ് കുന്ദ്ര അഭിനയിക്കുമെന്നും അഭ്യൂഹങ്ങളുണ്ട്. ചിത്രത്തിന്റെ തിരക്കഥയിലും നിര്‍മ്മാണത്തിലും രാജ് കുന്ദ്ര ഭാഗമാകും. ജയിലില്‍ നിന്ന് പുറത്ത് വന്ന രാജ് കുന്ദ്രയ്ക്കൊപ്പം വീണ്ടും സന്തോഷകരമായ ജീവിതം നയിക്കുകയാണ് ഭാര്യ ശില്‍പ്പ. എന്ന് മാത്രമല്ല, തങ്ങളുടെ വിവാഹവാര്‍ഷികം ഇരുവരും ആഘോഷമാക്കുകയും ചെയ്യാറുണ്ട്. കേസില്‍ ജാമ്യം ലഭിച്ചശേഷം പൊതുവേദികളില്‍ രാജ് കുന്ദ്ര അധികം സജീവമായിരുന്നില്ല. മുഖം വരെ മൂടുന്ന തരത്തിലുള്ള വസ്ത്രം ധരിച്ച് പ്രത്യക്ഷപ്പെട്ട രാജ് കുന്ദ്രയ്ക്കെതിരെ ട്രോളുകളും എത്തിയിരുന്നു.